Լրահոս

Միացյալ Նահանգների ազգային տոնին՝ նախագահ Թրամփին Հայաստանից ու Ադրբեջանից հասած շնորհավորական ուղերձներում խոսք կա նաև Ղարաբաղյան խնդրի մասին: Մինչ վարչապետ Փաշինյանը խոսում է կոնֆլիկտի խաղաղ կարգավորման մասին, Իլհամ Ալիևը շնորհավորական նամակով քարոզչական հարցեր է լուծում: Ադրբեջանի նախագահը իր ուղերձում նորից իրենց իբր պատմական հողերն ու ցավոտ հարցերն է հիշել: 

Չնայած ռուսական մամուլի համառ պնդումներին, թե գազի գնի շուրջ հայ-ռուսական բանակցություններն անարդյունք ավարտվել են՝ մեր երկրի հանրային ծառայությունները կարգավորող հանձնաժողովի նախագահը շարունակում է պնդել, որ դեռ բանակցում են ռուսական կողմի հետ: Նա այսօր լրագրողների հետ զրույցում ակնարկել է, որ գազի գինը սահմանին կարող է բարձրանալ, իսկ իրենք հիմա փորձում են հասնել նրան, որ սպառողները չզգան այդ փոփոխությունը:

Առերևույթ հանցագործության դեպքի առթիվ ՀՀ ԱԱԾ քննչական դեպարտամենտում հարուցվել է քրեական գործ՝ համապատասխան հոդվածներով: Մեղադրանք է առաջադրվել 2 անձի, վերջիններս կալանավորվել են:

Հուլիսի 4-ին Ստամբուլում կայացել է Կ. Պոլսո հայոց պատրիարքի տեղապահի հետաձգված ընտրությունը: Ermenihaber.am-ը Ստամբուլի իր աղբյուրներից պարզել է, որ 13 քվեով տեղապահ է ընտրվել Սահակ եպիսկոպոս Մաշալյանը: 

Իշխանական պատգամավոր Արմեն Փամբուխչյանը՝ ծով չունեցող Հայաստանի համար մշակել է ծովային օրենսդրություն: Նախատեսվում է, որ այն հնարավորություն կտա ունենալ հայկական դրոշով նավեր, դրանցով կատարել բեռնափոխադրում: Աշխարհում 44 երկիր կա, որոնք չունեն ուղիղ ելք դեպի ծով, բայց օգտվում են բեռնափոխադրման այս այլընտրանքային մեթոդից:  

Ռուսաստանի նախագահ Վլադիմիր Պուտինը հետազոտական սուզանավում բռնկումն ու անձնակազմի 14 անդամների մահը ՙՍարսափելի կորուստ՚ է որակել և հանձնարարել պաշտպանության նախարար Սերգեյ Շոյգուին անձամբ հետևել քննչական աշխատանքներին:

Երկրորդ նախագահի փաստաբանական թիմը մեղադրում է վերաքննիչ դատարանին՝ Քոչարյանի գործը արհեստականորեն ձգձգելու և սառեցնելու համար: Նրանց կարծիքով՝ անտեսվում է անձի կալանավորված լինելու հանգամանքը: Պաշտպանները հետաքրքիր համընկնումներ են նկատում՝ իշխանությունների նախաձեռնած դատաիրավական փոփոխություների ու Քոչարյանի դատավարության զարգացումների միջև:  

Որքանով է վերջերս բարձրացած նվազագույն աշխատավարձը օգնելու սոցիալական կուտակված խնդիրներին: Նախկին փոխվարչապետ Վաչե Գաբրիելյանը համոզված է, որ աշխատավարձի մինիմալ շեմը բարձրացնելու համար կառավարության ներկայացրած թիվը մի քանի անգամ փոքր է, քան պետք է իրականում: Տնտեսագետ Վարդան Բոստանջյանի կարծիքով էլ՝ պետության սոցիալական աջակցությունը կարևոր է, բայց մարդկանց կյանքի որակը բարձրացնելու համար՝ եկամուտները պետք է ավելացնել:

Հայաստանը խաղաղություն է ուզում, բայց դա չի նշանակում, որ մենք պատրաստ ենք միակողմանի զիջումների՝ այսօր ասել է արտգործնախարարության խոսնակ Աննա Նաղդալյանը: Նա խոսել է նաև Ֆրանս-ադրբեջանական զենքի սպասվող առք ու վաճառքի մասին, նշելով որ Ֆրանսիան պետք է ձեռնպահ մնա Ադրբեջանի հետ որևէ համագործակցությունից, որը կարող է խաթարել ռազմական բալանսն ու խաղաղությունը մեր տարածաշրջանում:

Երևանի Նոր Խարբերդ թաղամասը չլուծվող ջրի խնդրի առաջ է կանգնել: Ոչ միայն խմելու, այլև ոռոգման: Խնդրի մասին ընտրություններից-ընտրություններ հիշող պաշտոնյանները Նոր Խարբերդի բնակիչներին հիշեցնում են Նար Դոսի հերոսներին:

Ի՞նչ է փոխել երկրի քաղաքական փոփոխությունը մարդկանց կյանքում: Տեսելու համար քաղաքագետ Մարիամ Մարգարյանը հորդորում է էլի սպասել, կարծում, որ հիասթափվելու համար դեռ շուտ է: Մեր երկրի ապագայի վերաբերյալ քաղաքական պատկերացումները նա հավաքել է իր նոր գրքում: Այն վերնագրելով ՙՔաղաքական արդիականացման հրամայականները՝՝ Հայաստանի Հանրապետությունում:  

Արցախում առաջին անգամ անցկացվում է ՙԲրուտ Արտ՚ կավագործության միջազգային սիմպոզիումը: 15-օրյա աշխատանքի լավագույն նմուշները կցուցադրվեն Շուշիի կերպարվեստի պետական թանգարանում։ 

ՀՅԴ Հայաստանի Գերագույն մարմնի նախաձեռնած քաղաքական խորհրդակցությունների շրջանակում այսօր «Ժառանգություն» կուսակցության գրասենյակում  տեղի  ունեցավ հերթական հանդիպումը, որին  «Ժառանգություն»-ից մասնակցում էին  կուսակցության նախագահ Անդրանիկ Գրիգորյանը, փոխնախագահ Նարինե Դիլբարյանը, Գործադիր մարմնի անդամներ Հայկ Գասպարյանը և Գագիկ Մարգարյանը։ ՀՅԴ–ն ներկայացնում էին ՀՅԴ ԳՄ անդամներ Արծվիկ Մինասյանը, Լիլիթ Գալստյանը և Արմենուհի Կյուրեղյանը։