Լրահոս

Սահմանադրական կարգի տապալման մեջ մեղադրվող երկրորդ նախագահ Ռոբերտ Քոչարյանի հետ տեղի ունեցողը քաղաքական հետապնդում է համարում Հայաստանի մարդու իրավունքների առաջին պաշտպանը: Լարիսա Ալավերդյանը ասում է, որ այս ճանապարհը մեր պետությանը վատ տեղ է տանում:

Հայաստանի արտգործ նախարարը Արցախում է: Սա Զոհրաբ Մնացականյանի առաջին այցն է Ստեփանակերտ՝ Վաշինգտոնում Ադրբեջանի արտգործ նախարարի ու ԵԱՀՄ Միսնկի Խմբի համանախագահների հետ հանդիպումից հետո:

Այսօր սահամանադրությունը փրկելու կոչեր են հնչել Բաղրամյան 26-ի դիմաց: Բողոքի ակցիայի մասնակիցները հայտարարել են, որ իշխող ուժն ու նրան սատարող իրավապահ համակարգը մեկ տարի է՝ ոստնձգություններ է կատարում սահմանադրության նկատմամբ, իսկ Հայաստանի նախագահը լռություն է պահպանում:

Երրորդ նախագահ Սերժ Սարգսյանը այսօր Հայլուրի հարցին ի պատասխան, կարծիք է հայտնել, որ անկախ նրանից՝ լավն ենք համարում սահմանադրությունը, թե վատը, պետք է պաշտպանենք մայր օրենքը: Նա հորդորել է սահմանադրությունը մեկնաբանելու գործը թողնել միայն իրավաբաններին: Սերժ Սարգսյանը հրաժարվել է այլ թեմաների մասին մեկնաբանություն տալ: Ասել է՝ շոգերն անցնեն, կխոսի:

Իշխանությո՜ւնը պետք է ծառայի սահմանադրությանը, ոչ թե՝ հակառակը: Այս սկզբունքն է եղել 18-րդ դարում գրված մեր առաջին սահմանադրության՝ Որոգայթ փառացի մեջ: Ի դեպ, առաջին մայր օրենքի անվանումը պատահական չի եղել: Այն այսօր մեկնաբանել են իրավունքի մասնգետները՝ խոսելով սահմանադրական դատարանի շուրջ աղմուկի մասին:

Հարևան Իրանի ու արևմուտքի միջև լարվածությունը նոր թափ է հավաքում: Այսօր Ջիբրալթարի մոտակայքում Մեծ Բրիտանիայի ծովային ուժերը ձերբակալել են իրանական լցանավ: Եվրամիության երկրներն ու Միացյալ Նահանգները Թեհարնին մեղադրում են պատժամիջոցները շրջանցելով՝ Սիրիա նավթ տանելու համար:

Արդեն մոտ երկու ամիս է՝ սոց ցանցերից մինչև բակերի բիսեդկաներ բոլորս իրավաբան ենք դարձել՝ հասկանալու երկրում տեղի ունեցող դատաիրավական կնճռոտ խնդիրներն ու ամեն օր նորացվող տերմինները: Վեթինգ ու անցումային արդարադատություն, դատական բլոկադա ու ճգնաժամ հիշեցնող իրավիճակ բարձրագույն դատական ատյանում: Դատաիրավական մեծ քննարկման էին այսօր նստել երկրի՝ մասնագիտությամբ իրավաբանները:

Վերջին օրերին համացանցում մեծ աղմուկ է առաջացրել բռնության ձայնը: Սեռական ու հոգեբանական բռնության պատմությունները, որ հավաքված են մի հեշթեգի տակ, դեռ ոչ մի քրեական գործի հարուցման հիմք չեն դարձել, քանի որ անանուն են: Իսկ երկրի իրավաբանները մտահոգված են՝ ինչու՞ հենց հիմա հանրությունը հիշեց բռնությունների մասին, որ միշտ են եղել, որոնց դեմ պայքարելու օրենքներ մեր երկիրն ունի: Փաստաբանների պալատի նախագահն ահազանգում է՝ բռնության ձայնով հնարավոր է Հայաստանում սկսեն խոսել Ստամբուլյան՝ սկանդալային կոնվենցիայի մասին, որ հաճախ տրոյական ձի են անվանում: 

Անառողջ օր էր երեկ սոցցանցերի սիրահարների համար: Ֆեյսբուքը, ինստագրամը, WhatsApp-ը խափանվել էին, օգտատերերի նյարդերը տեղի տվել: Եվ եթե մենք միայն մի քանի ֆոտո պակաս ենք տեսել, ապա սոցիալական ցանցի հսկաների տերերը միլիոնավոր դոլարներ են կորցրել:

Այսօր կառավարության դիմաց բողոքի ակցիա էին անում Ռոբերտ Քոչարյանի աջակիցները: Նրա ազատության պահանջով փողոց դուրս եկած մարդիկ պնդում են, որ Քոչարյանի գործով որոշումները կայացվում են գործադիրի շենքում:

Վարչապետ Փաշինյանը մեկնել է Սինգապուր ու գործադիրի այսօրվա նիստը վարել է փոխվարչապետ Տիգրան Ավինյանը: Նիստին ընդունված որոշումներից ամենաուրախալին՝ Հայրենական մեծ պատերազմի վետերանների ամենամսյա պատվովճարի չափը 50 հազար դրամից բարձրացել է 100 հազար դրամի։  

Վարչապետության սկզբում Սևանը որպես ջրի տարրա չընկալելու կոչ անող Նիկոլ Փաշինյանի վարչապետության 1 տարվա ընթացքում ջրառը Սևանից շարւնակվում է, իսկ լճի պաշտպան-բնապահպանների բողոքը չի լռում: Արբանյակային վերջին լուսանկարները կապույտ ջրերի կանաչ վտանգն են ցույց տալիս:

Եվրոպան կին է: Հին աշխարհի երկրների միության երկու կարևոր պաշտոն կնոջ ձեռք է անցնում: Մարկեսյան հերոսուհու՝ Ուրսուլայի անունով գերմանացի տիկին Ֆոն դեր Լյաենը պատրաստվում է Ժան Կլոդ Յունկերին փոխարինել Եվրահանձնաժողովի նախագահի պաշտոնում: Եվրոպական կենտրոնական դրամատան ղեկը ևս կանացի ձեռք կանցնի: