Լրահոս

Երեւանի քաղաքապետարանը ամեն գնով արգելում է Ռոբերտ Քոչարյանի «Կյանք եւ ազատություն» գրքի գովազդը: Այս մասին հայտարարել են երկրորդ նախագահի գրասենյակի ներկայացուցիչները: Քաղաքապետարան ուղարկված դիմումից ամիսներ շարունակ պատասխան չկա: Մեկ օրվա ընթացքում իրենց չպատասխանելու դեպքում՝ կդիմեն Վարչական դատարան:

88 տարեկանում մահացել է աշխարհահռչակ գրող, Պուլիցերյան մրցանակի դափնեկիր Թոնի Մորիսոնը: Նա «Սիրելին», «Կապույտ աչքեր» եւ «Ջազ» վեպերի հեղինակն է, որոնք իրեն բերել են փառք ու հաղթանակ: 1993 թվականին Մորիսոնը ստացել է Նոբելյան մրցանակ, իսկ 2012-ին՝ Նախագահական՝ Ազատության շքանշան, տեղեկացնում է Associated Press-ը:

Օրեր առաջ ՀՀ առողջապահության նախարարության Ճառագայթային բժշկության և այրվածքների գիտական կենտրոնի վերակենդանացման բաժանմունք է ընդունվել 1 տարեկան 8 ամսական երեխա՝ մարմնի մակերեսի գրեթե 15% այրվածքներով:

Օգոստոսի 5-ին անցկացվել է «Խաղաղության մարտիկ» մրցույթի  ռազմամասնագիտական «Պրոֆեսիոնալ» մրցաձևի երկրորդ` «Մարտական պատրաստության համալիր վարժություններ» մրցափուլը:

Իսկ միգուցե Փաշինյանն իր մտքում արդեն լուծել է Արցախի հակամարտությունը, բացել է Թուրքիայի հետ մեր սահմանը, գործարկել է Ջուլֆայի երկաթգիծը, իսկ այդ 15 միլիոն մեր արևելյան և արևմտյան հարևաններն են, որ Հայաստանը շատ կարոտած լինելով հերթ են կանգնել Հայաստան գալու համար։

ՀՀ ԱՆ «Հրազդան» քրեակատարողական հիմնարկի աշխատակիցները օգոստոսի 5-ին՝ ժամը 09։10-ի սահմաններում, իրականացրել են չնախատեսված խուզարկություն, որի արդյունքում հիմնարկի 3-րդ մասնաշենքի խցերից մեկում՝ հատակում ներկառուցված թաքստոցից, հայտնաբերել են արգելված իրեր՝ 11 բջջային հեռախոս, խաղաթղթի 11 տրցակ, բջջային հեռախոսի 6 մարտկոց, 2 USB լար, համակարգչային 1 մկնիկ, լիցքավորման սարքի 1 գլխիկ, 20 լիտր ինքնաշեն եղանակով պատրաստված ոգելից խմիչք և 0,750 լիտր բժշկական սպիրտ: Այդ մասին տեղեկանում ենք ԱՆ քրեակատարողական ծառայության հանրային կապերի բաժնից:

Թուրքիայի Մշակույթի և զբոսաշրջության նախարարության թույլտվությամբ 2010 թ․ ի վեր ամեն տարի կազմակերպվող պատարագի նախապատրաստական աշխատանքներն արդեն սկսված են։ Պատարագն այս տարի կմատուցվի սեպտեմբերի 8-ին։ Արարողությանը մասնակցել ցանկացողներն արդեն իսկ սկսել են հյուրանոցներում համարներ ամրագրել։

Պետական եկամուտների կոմիտեի մաքսանենգության դեմ պայքարի վարչության աշխատակիցները՝ Արևելյան մաքսատուն-վարչության Բագրատաշենի մաքսային կետ-բաժնի աշխատակիցների հետ համատեղ, օրերս Բագրատաշենի անցակետում զննության են ենթարկել ՀՀ քաղաքացի Մ.Հ.-ի կողմից շահագործվող տրանսպորտային միջոցը: Իրականացված մաքսային հսկողության արդյունքում ավտոմեքենայի գազի բալոնի ներսից ՊԵԿ աշխատակիցները հայտնաբերել են մաքսային հսկողությունից թաքցված 57 հատ տարբեր մոդելների բջջային հեռախոսներ:

Հանրապետական կուսակցությունը Նիկոլ Փաշինյանի նոր՝ սկանդալային հայտարարությունն անվանում է Սերժ Սարգսյանի անվան տակ անճարությունը քողարկելու հերթական փորձ: 

Քանի դեռ չբացահայտված է մնում, թե ինչ սեւ կատու է անցել Երեւանի քաղաքապետարանի եւ Սանիթեքի միջով, քաղաքում ուրիշ կենդանիներ են վխտում: Երկրի առողջապահները հորդորում են զգուշանալ առնետներից, անգամ՝ մոծակներից:

Երեւանի Մետրոյի Երիտասարդական կայարանում կարող ենք ծանոթանալ Եզդիների ցեղասպանության թեմաներին: Լուսանկարների ցուցահանդեսը, որը կտեւի մեկ շաբաթ, բացվել է ցեղասպանության 5-րդ տարելիցի կապակցությամբ:

Մարտի մեկի տասը զոհերից մեկի՝ Զաքար Հովհաննիսյանի սպանության գործով միակ մեղադրյալը ազատ արձակվեց: Ոստիկանության զորքերի շտաբի նախկին պետ Գեղամ Պետրոսյանի փաստաբանը վստահ է՝ որեւէ խելամիտ քննիչ չի դիմի՝ նրա կալանքը երկարացնելու համար, քանի որ քրեական գործը ջուր է:

Համազգային օրակարգի լուրջ խոսակցության խոստումով Ստեփանակերտի Վերածննդի հրապարակում հարթակ բարձրացած Նիկոլ Փաշինյանը խոսեց մեկ ժամից ավել: Հասցրեց ասմունքել եւ ելույթի մի ծավալուն մասն նորից նվիրել հեղափոխության թեմային:

Հանգստյան օրերն արյունոտ էին Միացյալ Նահանգներում: Կիրակի օրը երեք ահաբեկչություն է եղել՝ Օհայոյում, Չիկագոյում եւ Տեխասի Էլ Պասո քաղաքում:

Հովտաշենի բնակիչները հայտնել են, որ լոգանքից հետո 1 ամիս օդ չբարձրացած արագիլները կրկին թռչելու փորձ են արել:

Կառավարության երրորդ մասնաշենքի դիմաց այսօր առողջ պարզաբանումների որս էր: Մեր երկրի որսորդներին փողոց է հանել կառավարության՝ արտոնագրերի վճարը 9000 դրամով ավելացնելու որոշումը: 

Յուրաքանչյուր 5 դիմորդից մեկը անբավարար է ստացել հայոց լեզվի միասնական քննությունից: