Լրահոս

Երեւանում ջարդված ու գետնին տապալված ծառի հարվածից տուժած աղջկա վիճակը կայուն է: Նրա մայրը պատրաստվում է դիմել քաղաքապետարան՝ աղջկա բուժման համար փոխհատուցում ստանալու համար: Կարծում է, որ մեղավորը հենց քաղաքապետարանն է, որը անտերության է մատնել ճանապարհին աճող ծառերը: Դրանք՝ հարեւանությամբ գործող խանութների տերերն են ջրում, բայց որպեսզի ճյուղերը չորդնեն ու չփտեն՝ քաղաքապետարանը ոչ մի սրսկում չի անում:

Երկրորդ նախագահի պաշտպանական թիմը հայտարարել է, որ, ըստ էության, դատական համակարգը այսօր կաթվածահար վիճակում է: Ռոբերտ Քոչարյանը փաստացի զրկված է պաշտպանվելու իրավունքից:

«Պոբեդա» ավիաընկերության թռիչքների վերաբերյալ նոր շրջադարձ է: Պարզվում է՝ վառելիքի թերլիցքավորման հարցը ամենեւին էլ չի լուծվել: Ռուսաստանից՝ Շիրակ օդանավակայանից թերլիցքավորման խնդիրների վերացման երաշխիքներ են պահանջում: Մինչդեռ «Պոբեդայի» հայկական գրասենյակից հայտարարել էին, որ այդ հարցը լուծված է: 
 

Այն բանից հետո, երբ Նիկոլ Փաշինյանը իր խոսքով՝ գաղտնի զեկույցից մեջբերումներ արեց ու Հայաստանը ձախողված պետություն որակեց՝ նախկինները շարունակում են փնտրել, թե այդուհանդերձ ի՞նչ զեկույցի մասին է խոսքը: Արդարադատության նախկին նախարար Արփինե Հովհաննիսյանը, չգտնելով փաստաթուղթը՝ բաց նամակ է հրապարակել, որտեղ Նիկոլ Փաշինյանին բացատրել է, թե ինչ է նշանակում ձախողված պետություն տերմինը: Նա նաեւ հորդորել է, որ ԱԱԾ տնօրենը Նիկոլ Փաշինյանին բացատրի, որ պետական ու ծառայողական գաղտնիք հրապարակելը հանցագործություն է: 
Արթուր Վանեցյանը Արցախում էր հայտնել, որ ծանոթ չէ վարչապետի հայտնած գաղտնի փաստաթղթին՝ Փաշինյանի ուղիղ եթերից է դրա մասին իմացել:  

Մարդու իրավունքների եվրոպական դատարանը հաստատել է ՀՀ երկրորդ նախագահ Ռոբերտ Քոչարյանի գործի առնչությամբ Սահմանադրական դատարանի դիմումը ստանալու հանգամանքը:

Փաստաթղթերի կեղծման հատկանիշներով քրեական գործ է հարուցվել:

Օգոստոսի 7-ին, ժամը 13:15-ին «911» ծառայությանը տեղեկություն է հաղորդվել, որ հրշեջ-փրկարարական ջոկատի հրամանատարը ժամը 13:00-ի սահմաններում Վայոց ձորի մարզի Ջերմուկ քաղաքի Մաշտոցի փողոցում նկատել է ՃՏՊ:

Ի վերջո, պարո՛ն վարչապետ, պաթետիկ ելույթների փոխարեն գոնե մտքում գեթ մեկ անգամ ստանձնեք պատասխանատվություն Հայաստանի ու Արցախի անվտանգության և բարեկեցության համար ու գնացեք առաջ։ 

Անվերահսկելի են դառնում գրպանահատներ Երեւանում։ Մարդիկ սեփական ուժերով են պայքարում գրպանահատների դեմ, որոնք վերջին շրջանում դանակով են շրջում։

Մեկ ու կես տարի առաջ փողոց փակելով իշխանություն փոխած Հայաստանում՝ փողոց փակելն այլևս հեշտ չէ: «Հյուսիս-հարավ» մայրուղու շինարարները հերթական անգամ պատրաստվել են փակել այդ ճանապարհի՝ Ուջան գյուղի մոտ գտնվող հատվածը՝ իրենց մեկ տարվա աշխատավարձը վճարելու պահանջով: Բայց ոստիկանության Աշտարակի բաժնից՝ նրանց զանգել ու հրավիրել են ոստիկանություն: Ավելին՝ ասել, որ եթե ճանապարհ փակեն՝ ոստիկանության կոշտ արձագանքին են բախվելու:

Ադրբեջանն արձագանքել է Հայաստանի վարչապետ Նիկոլ Փաշինյանի՝ Ստեփանակերտում արած հայտարարությանը, որ Արցախը Հայաստան է և վերջ։ Բաքուն այն որակել է որպես ագրեսիա, որն ակնհայտ հակասում է Հայաստանի ու Ադբեջանի ղեկավարների վերջին քննարկումներին։ Ադրբեջանի արտգործնախարարությունը նշել է, որ այդ հայտարարությունը լուրջ հարված է բանակցային գործընթացին։ Փաշինյանի ելույթում խնդրահարույց կետեր են տեսել նաև հայ փորձագետները: Ոչ միայն ղարաբաղյան հակամարտության հարցում նոր մոտեցումների, այլև շատերի ձևակերպմամբ՝ հեղափոխությունը Արցախ արտահանելու վերաբերյալ: 

Վայոց Ձորի Ելփին գյուղը, որ վերջերս էր Նախիջևանից հայտնվել հակառակորդի կրակի տակ, սահմանամերձ է, բայց սահմանապահ չէ: Հետևաբար չի օգտվում նախատեսված արտոնություններից: Գյուղի արտերից մեկում հակառակորդի կրակոցից օրեր առաջ էլ հրդեհ էր բռնկվել: 

Քաշմիրը կարող է զրկվել ինքնավարությունից: Հնդկաստանի կառավարությունը ցանկանում է փոխել Հիմալայների ամենա անհանգիստ շրջանի ինքնավարության մասին օրենքը: Քաշմիրն արդեն 70 տարի Հնդկաստանի և Պակիստանի միջև կռվախնձոր է: Պաշտոնական Դելիի հայտարարությունից հետո՝ Քաշմիրում բազմահազարանոց ցույցեր են:

Ավտոմաքսատունը Երևանից Գյումրի տեղափոխելու՝ կառավարության որոշումը անհեթեթ է թվում դրանց մշտական հաճախորդ ավտոներկրողներին: Քանի որ Վրաստանից Հայաստան եկող մեքենաների մոտ 90 տոկոսը երկիր է մտնում Բագրատաշենով, ապա մեքենան մաքսազերծելու համար նախ Գյումրի, հետո Երևան բերելը ավելի քան 70 կմ երկարացնում է ճանապարհը: Գյումրին ակտիվացնելու կոչերի ստվերում մնացող խնդիր է նաև այն, որ, փաստորեն, Երևանի մաքսատան աշխատողները զրկվելու են աշխատանքից, ինչի մասին կառավարությունը խուսափում է խոսել:

Երևանի խնդիրները այսօր քաղաքապետարան են բերել «Երևանի պաշտպանության ճակատ» նախաձեռնության համակարգող Բաբկեն Հարությունյանին՝ տասը ամիս քաղաքապետի պաշտոնը զբաղեցնող Հայկ Մարությանին 21 առանձին նամակով: Հարությունյանը հիշեցրել է քաղաքապետի նախընտրական խոստումները և 21 հարց տվել՝ Երևանի խնդիրների մասին: Դրանց մեջ ամենակարևորը համարելով քաղաքի աղբը: