Լրահոս

Հայաստանում կոռուպցիայի դեմ պայքարն ազդում է տնտեսության զարգացման վրա: Այսօր վարչապետ Նիկոլ Փաշինյանը հայտարարել է, որ կառավարությունը 2019-ի բյուջեի ծախսային հատվածի թերակատարման ռիսկի առջև է կանգնած ու որ սա սպասելի էր. քաղաքական կուրսն է պահանջում:

Այսօր մի կեղծ լուր, ավելի ճիշտ ահազանգ՝ արտակարգ իրավիճակների նախարարությունն էր ստացել: Կեսօրին հայտարարեցին, որ Գյումրու դպրոցներից մեկում ռումբ կա տեղադրված: 400-ից ավելի աշակերտ ու 50-ից ավելի ուսուցիչ են տարհանել: Պարզվեց ահազանգը կեղծ է:

Ստրասբուրգում՝ Արցախի մարդու իրավունքների պաշտպան Արտակ Բեգլարյանի ելույթը առճակատվել է ադրբեջանցիների սադրանքներին: Եվրոպայի խորհրդի խորհրդարանական վեհաժողովում Արտակ Բեգլարյանը արցախցիների իրավունքների հարցն է բարձրացրել: Բեգլարյանի խոսքով Արցախի հանրապետությունը համագործակցելու քաղաքական կամք ունի, մինչդեռ ոչ բոլորն են ուզում գործ ունենալ չճանաչված պետության հետ՝ դրանով իսկ խախտելով մարդու իրավունքը:

Վիտալի Բալասանյանի հարցազրույցը ցունամի էր իշխանական դաշտի համար:

Հայ-ադրբեջանական սահմանին իրավիճակն ընդհանուր առմամբ կայուն է։ Լրագրողների հետ այսօր հանդիպմանը հայտարարեց ԶՈՒ Գլխավոր շտաբի պետ Արտակ Դավթյանը։

Քիմ Քարդաշյանը Հայաստան գալու առաջին օրը, քրոջ՝ Քորթնի Քարդաշյանի հետ, Էջմիածնում կնքել էր երեխաներին:
Իսկ Էջմիածնում այսօր տոնել են քաղաքի օրը: Էջմիածնի հիմնադրման 2704-ամյակը շնորհավորելու է գնացել նաև վարչապետ Փաշինյանը: Բայց տոնական մթնոլորտը քաղաքի կենտրոնից այն կողմ չի անցել: 

Համաշխարհային տեխնոլոգիական գագաթնաժողովին զուգահեռ ընթանում է հայկական բրենդներով դիջիթեքը:  

Աշխարհում այսօր ամենահայտնի հայերից Քիմ Քարդաշյանն ելույթ է ունեցել WCIT համաժովին: Տեխնոլոգիական համաժողովի համար «Չկա ավելի լավ տեղ, քան Հայաստանն է»՝՝ ասել է Քարդաշյանը լեփ-լեցուն դահլիճին:
Իսկ թե ինչ կապ ունի Քիմ Քարդաշյանը տեխնոլոգիական համաժողովի հետ, պատասխանել է հենց ինքը ու ներկայացրել սեփական փորձը՝ ինչպես կարելի է տեխնոլոգիաներն օգտագործելով հասնել հաջողության, ձեռք բերել շատ հետևորդներ ու բիզնես անել:

Երևանի քաղաքապետարանը արբիտրաժային դատարանից չի վախենում: Ինչպես գիտեք քաղաքապետարանի հետ խզված պայամանգիրը Սանիթեքը խոստանում է հասցնել արբիտրաժային դատարան:  

Ազգային ժողովի Մարդու իրավունքների հանձնաժողովի արտահերթ նիստն այսօր թեժ է անցել: Իշխանական մի քանի պատգամավոր, որոնք համարվում են սորոսական թևի ներկայացուցիչներ՝ հայտարարության նախագիծ են ներկայացրել, որի նպատակը, ըստ իրենց, ատելության խոսքը զսպելն է: Բայց ակնհայտ է, որ նախաձեռնության պատճառը՝ տևական ժամանակ Երևանում Սորոսի հիմնադրամի առաջ իրականացվող ակցիաներն են: