Լրահոս

ՀՀ ազգային անվտանգության ծառայությունը, հետամուտ լինելով հանցավորության դեմ պայքարին ուղղված և օրենքով իրեն վերապահված գործառույթների անշեղ իրականացմանը, բացահայտել է պաշտոնեական դիրքի օգտագործմամբ առանձնապես խոշոր չափերով և վատնման եղանակով հափշտակություն կատարելու դեպք:

Ոստիկանությունը տեսանյութ է հրապարակել եւ հայտնել, որ տարեց տաքսիստին փողոցում ծեծած «Մերսեդեսի» վարորդը հայտնաբերվել ու բերման է ենթարկվել ոստիկանություն:

ԱՀ ՊՆ մամուլի ծառայությունից տեղեկացնում են, որ դեկտեմբերի 26-ին տարբեր լրատվամիջոցներ տարածել են տեղեկատվություն այն մասին, որ ՊԲ զորամասերից մեկի ստորաբաժանման հրամանատարը երկրորդ հարկի պատուհանից դուրս է նետել ժամկետային զինծառայողների ծնողների ուղարկած սնունդը:

«Մեդիա Պաշտպան» նախաձեռնությունը հիշեցնում է նաև, որ նմանատիպ գործելաոճն անընդունելի է, իսկ բարեկիրթ վերաբերմունքն ու դիմացինի մասնագիտական աշխատանքը հարգելը՝ պարտադիր և հույս հայտնում, որ ԱԺ պատգամավորը հետայսու հետևողական կլինի իր խոսքին և կտիրապետի իր էմոցիաները։

Հիշում եք չէ, երբ Հրայր Թովմասյանի դուստրերին հրավիրել էին ԱԱԾ հարցաքննության, ասել եմ, որ եթե ՍԴ-ն չկատարեց Նիկոլի հրահանգներն ու շարունակեց ծառայել ոչ թե վարչակարգին, այլ Հայրենիքին, Հրայրին մեղադրանք են առաջադրելու որեւէ շինծու գործով եւ հնարավոր է անգամ ձերբակալեն:

ՍԴ նախագահ Հրայր Թովմասյանին մեղադրանք է առաջադրվել քրեական օրենսգրքի 308 հոդվածի երկրորդ մասի հատկանիշներով, այն է՝ պաշտոնական լիազորությունները չարաշահելը: Այս մասին տեղեկացնում է ՀՔԾ-ն:

Հոդվածի երկրորդ մասը սահմանում է.

«Պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելը կամ ծառայողական պարտականությունները չկատարելը, որն անզգուշությամբ առաջացրել է ծանր հետևանքներ պատժվում է ազատազրկմամբ` երկուսից վեց տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով»:

Հիշեցնենք, որ Սահմանադրական դատարանի նախագահ Հրայր Թովմասյանն այս պահին հարցաքննվում է, իսկ ՍԴ-ի բակում հավաքվել են մի խումբ մարդիկ՝ աջակցելու ՍԴ նախագահին։

Ի դեմս Ռոբերտ Քոչարյանի ու Արմեն Թավադյանի՝ մենք կրկնակի ուժգնությամբ ենք պայքարելու քաղաքական հետապնդումների դեմ, Հայաստանի ու Արցախի դեմ ձևավորված կործանարար արշավի դեմ, մարդու իրավունքների ոտնահարման դեմ և հանուն մեր վաղվա վառ ապագայի, հանուն գալիք հաղթանակաների։

Հեռուստատեսության սեփականատեր   Արմեն Թավադյանի ապօրինի կալանավորումը, հանրային կարծիքը  «5-րդ ալիքի»  դեմ տրամադրելու  իշխանության բացահայտ եւ քողարկված քայլերը,  համարում ենք լրատվամիջոցի գործունեությունը խոչընդոտելու փորձ, ոտնձգություն խոսքի ազատության  հանդեպ:

Արմեն Թավադյանի կալանավորումը. ի՞նչ հիմքով

Առավոտյան լարված իրավիճակ էր կառավարության դիմաց: 26 օր առաջ բանակում անհայտ պայմաններում զոհված 21-ամյա Արթուր Աջամյանի հարազատները դեպքի հանգամանքները պարզելու պահանջով ցանկանում էին հանդիպել վարչապետին: Փաշինյանը չցանկացավ դրսում հանդիպել փողոց փակած քաղաքացիների հետ: Արթուր Աջամյանի երկու հարազատի ու նրանց փաստաբանին վարչապետն իր աշխատասենյակում ընդունեց: Բողոքողներին չի բավարարում գործի քննության ընթացքը:

Երբ հայտնի դարձավ, որ հանրային խորհուրդը ղեկավարելու է Ստյոպա Սաֆարյանը, խորհուրդը լքելու մասին հայտարարեցին Արցախի հերոս Արկադի Տեր-Թադեւոսյանը, մարդու իրավունքների նախկին պաշտպան Լարիսա Ալավերդյանը եւ այլոք: Այսօրվա անդրանիկ նիստում հանրային խորհրդի հնաբնակները մի քանի անգամ ուղղել են Ստյոպա Սաֆարյանի թույլ տված սխալները, որը հեղափոխական առաջարկներով է նիստը սկսել:

Երեւանի Լուկաշին թաղամասի բնակիչների խոսքով քաղաքի իշխանությունն իրենց գոյության մասին մոռացել է: Արդեն մեկ տարի է ոտքով են դպրոց-մանկապարտեզ, աշխատանքի գնում: Թաղամասը սպասարկող ավտոբուսը քմահաճույքով է աշխատում, բայց ոչ ոք չի անհանգստանում դրա համար: Երեւանի քաղաքապետարանից վստահեցնում են, հենց այսօր կտուգանեն 26 համար ավտոբուսը սպասարկող ընկերությանը:

Տիկնոջից հետո այսօր՝ բլինչիկի ու խոզի բդի գերությունից ազատվելու խորհուրդ է տվել Նիկոլ Փաշինյանը: Մինչեւ կառավարության այս տարվա վերջին նիստի օրակարգին անցնելը, վարչապետը նախ տնետսական ցուցանիշներին է անդրադարձել:

Այսօր, երբ կառավարության դիմաց ցուցարարները Անդրանիկ Քոչարյանին հիշում էին ոչ եթերային բառերով, քանի որ 22 օր առաջ նա էր լսել զինվորի հարազատների պահանջները, մեր լրագրողը պատգամավորին հարցրել է, թե ի՞նչ ընթացք է ստացել Արթուր Աջամյանի մահվան հանգամանքների քննությունը եւ թե ինչու՞ Քոչարյանը չի պատասխանում նրա հարազատների զանգերին: Անդրանիկ Քոչարյանը մեր թղթակից Կարինե Մանգասարյանի հանդեպ անհարգալից վերաբերմունք է դրսեւորել եւ մեղադրել, թե մեր հարցերով ցույցեր են հրահրում:

Մեր հաջորդ պատմությունը սափրած գլուծներով, ճգնավորի վարդագույն հագուստով դեռահասների մասին է, որոնք երազում են ծնողներին տեսնելու մասին: Մյանմայի միանձնուհիները փախել են մահմեդականների ու բուդդայականների անվերջանալի կռիվներից ու խաղաղություն են ուզում: Նրանց թիվը գրեթե ամեն օր ավելանում է:

Երեւանի ընդհանուր իրավասության դատարանը 5-րդ ալիքի սեփականատեր Արմեն Թավադյանին երկու ամսով կալանավորելու որոշում կայացրեց: Թավադյանի փաստաբան Հովհաննես Խուդոյանը նիստից հետո հայտարարել է, որ իրենք այդպես էլ չեն ստացել հարցի պատասխանը, թե ինչու է ձերբակալվել Արմեն Թավադյանը: Պատրաստովում են բողոքարկել դատարանի որոշումը: