Լրահոս

«Երկրում անլրջության շքերթ է»,- արձանագրել են Ազգային ժողովում: Ո՞վ ո՞ւմ հետ է սուրճ խմել, ո՞ւմ հետ սուշի կերել: Խորհրդարանում քաղաքական բանավեճերի մակարդակը չափելու համար, պետք է մոտ լինել կենցաղային բամբասանքներին ու շատ խանդոտ լինել: Իշխանափոխությունից հետո քաղաքական ապահարզանով բաժանված Լուսավոր Հայաստանն ու Իմ քայլը այսօր ոչ քաղաքական մեղադրանքներ են փոխանակել: Վեճի պատճառը մի քննիչ հանձնաժողով է, որը պետք է ուսումնասիրի Երևանի քաղաքապետարանում կոռուպցիոն ռիսկեր կա՞ն, թե՝ ոչ:

Երևանում 70-ից ավելի ընկերություն հարկադիր պարապուրդի մեջ է մամուլի շենքում 5 օր առաջ տեղի ունեցած հարդեհի պատճառով: Շենքում հոսանք չկա: Այդ պատճառով խափանվել է նաև ռուսալեզու պարբերականի տպագրությունը:

Մոտ կես տարի է՝ իրավական վեճի մեջ են ճարտարապետների պալատն ու քաղաքաշինության կոմիտեն: Պատճառը նոր օրենքն է, որի ընդունումից հետո երիտասարդ ճարտարապետներն ու նախագծողները չեն կարողանում լիցենզիա ստանալ: «Սահմանադրության հետ խնդիր ունի օրենքը»,- լիցենզիա չտրամադրելը պատճառաբանում են քաղշինից: Ճարտարապետներն էլ մեղադրում են պետությանը՝ կոռուպցիոն սխեմաներին վերադառնալու համար:

Հանրապետության անասնապահներին Հայաստանի վարչապետը գործարք է առաջարկել մինչև հուլիսի մեկը կառավարությունը պատրաստ է հետաձգել անասունները պարտադիր սպանադնոցներում մորթելու որոշումը մի քանի բացառությամբ: Նիկոլ Փաշինյանն ասել է եթե ֆերմերները ընդունեն գործաքի այս առաջարկը, հուլիսի մեկից հետո, որևէ զիջում կառավարությունից ակնկալել չեն կարող: Գործադիրն այստեղ նաև փորձում է ժամանակ շահել ու մինչև հուլիսի մեկը ավելացնել հանրապետությունում սպանդանոցների թիվը:

Աշխարհին նոր գլխացավանք է պատուհասել: Չինական մահաբեր վիրուսը արդեն խլել է 10 մարդու կյանք ու հասել Միացյալ Նահանգներ, Ռուսաստան: Ոչ պաշտոնական տեղեկություններով ժաեր առաջ Պեկինից Մոսկվա ժամանած Արման անունով երիտասարդին օդանավակայանից շտապօգնության մեքենայով տեղափոխել են հիվանդանոց:

ՀՀ քննչական կոմիտեն նոր մանրամասներ է հայտնել պայմանագրային զինծառայողի մահվան հանգամանքների կախպակցությամբ:

Երևան քաղաքի ընդհանուր իրավասության առաջին ատյանի դատարանի դատավոր Ավագ Գաբրիելյանը վարույթ է ընդունել ՀՅԴ անդամների հայցն ընդդեմ՝ ԱԺ պատգամավոր Արման Բաբաջանյանի:

 Գեորգի Կուտոյանի ատրճանակի՝ Glock 34-ի վրա դեպքի օրը՝ հունվարի 17-ին, խլացուցիչ չի հայտնաբերվել: «Արմենպրես»-ի հետ զրույցում այս մասին ասաց Քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը:

Նախորդ շաբաթ գրել էինք, որ ՀՔԾ ՀԿԳ քննիչ Ասատրյանը միջնորդություն է ներկայացրել դատարան՝ Հրայր Թովմասյանի բնակարանում և հայրական տանը խուզարկություն կատարելու վերաբերյալ, որն առաջին ատյանը մերժել էր։ Երեկ տեղեկացանք, որ քննիչ Ասատրյանը դիմել է դատարան նաև Թովմասյանի հեռախոսային խոսակցությունները գաղտնալսելու և նախկին խոսակցությունների վերծանումներն առգրավելու թույլտվություն ստանալու համար։

Պատմության ամենադաժան հրդեհներից մեկը շարունակում է այրել Ավստրալիան, բայց սա հավանաբար մարդկանց տասնամյակների անտարբերությունից զայրացած բնության միակ վատ նորությունը չէ: Երբեմնի կանաչ մայրցամաքում փոթորիկ է եղել, դրան էլ հաջորդել է գոլֆի գնդակի մեծության կարկուտը:

Մինչ Արդարադատության նախարարը ոստիկանությանը հղում անելով նման հայտարարություններ է անում, ոստիկանները երկրորդ օրն է կարող են կապուղի ունենալ ու գաղտնալսել: Առանց ԱԱծ դիմելու գաղտնալսումը թույլատրող օրենքը արդեն ուժի մեջ է ու սա այն դեպքում, երբ փաստաբանները ահազանգում են անգամ ԱԱԾ-ի գաղտնալսումների խնդիրների մասին: Երկրի փաստաբանները ապշել են, երբ ԱԱԾ-ն գաղտնալսել է փաստաբան Էդգար Թումասյանի ու նրա վստահորդի հեռախոսազանգը ու կցել ձայնագրությունը քրեական գործին:

Էլ ինչի՞ մասին պետք է խոսեն աշխարհի գերտերությունների առաջին դեմքերը համաշխարհային տնտեսական 50-րդ համաժողովին: Երկնքից մանանա բերել չեն կարող, բայց դավոսյան քննարկումներում խոստացել են ավելի ուշադիր լինել իրենց ու մեր բոլորիս տուն մոլորակը կլիմայական աղետներից փրկելու հարցին:

Իմ գործընկերները այսօր Մրգաշատում նաև գյուղացիների գոմեր են մտել, փորձել հասկանալ՝ իրո՞ք այդքան մեծ խնդիր է դառնալու անասնապահների համար սպանդանոցային մորթի պարտադրանքը: Բագրատ պապը հանել, գումարել ու հասկացել է պետության առաջարկած պայմաններով իր մի խոզին, մի կովին ու մի ցլիկին մորթելը ձեռք չի տալիս:

Օրվա վիճաբանություններից հետո քաղաքական մեծամասնության ներկայացուցիչները մեկը մյուսից սուր ու սկանդալային մեկնաբանություններ են անում՝ դիմելով ընդդիմադիրներին: Օրինակ մեր դեմ խաղ չկա հայտնի մտքի հեղինակ իմքայլական Տիգրան Ուլիխանյանի համար գնալով ավելի դժվար է դառնում ընդդիմադիրներին չկատոկելը: Ներեցեք, բառը Ուլիխանյանինն է: