Լրահոս

Խորհրդարանի փոխխոսնակի նախանշած վերջնաժամկետի հետհաշվարկը սկսված է: Եթե հավատանք Ալեն Սիմոնյանին՝ Սահմանադրական դատարանի շուրջ փաթաթված մութ խնդիրը պարզաբանվելու է մեկ-երկու ամսից: Արդեն կարծես պարզ է, թե ինչպես են իմքայլականները մտադիր ավարտին հասցնել Սահմանադրական դատարանի առումը: Խորհրդարանական մեծամասնությունը նոր մարտավարություն է մշակել, որ ըստ իրենց հնարավորություն կտա երկորւմ սահմանադրական փոփոխություններ անել առանց բարձր դատարանի հաստատման: Բազմաթիվ ուրիշ մասնագետներ զգուշացնում են նախաձեռնությունը նույնը կլինի, ինչ պետական հեղաշրջման փորձը:

Երկրորդ նախագահ Ռոբերտ Քոչարյանի փաստաբանները ինքնաբացարկի միջնորդություն են ներկայացրել դատավոր Արմեն Դանիելյանին: Նա պետք է քններ Քոչարյանի պաշտպաններին սահմանադրական կարգի տապալման գործով նյութերը ամբողջությամբ տրամադրելու որոշման դեմ դատախազության բողոքը:

Սպասում ենք համեմատաբար ակտիվ ցիկլոնի ներթափանցում Միջերկրական ծովից։ Հունվարի 31-ի երեկոյան ժամերին հանրապետության հյուսիային և կենտրոնական շրջաններում, առաջիկա գիշերը և վաղը ցերեկը շրջանների զգալի մասում սպասվում են տեղումներ, լեռնային և նախալեռնային գոտում ձյուն, հովտային գոտում թաց ձյան և ձնախառն անձրևի տեսքով։ Առանձին հատվածներում սպասվում է քամու ուժգնացում 15-20մ/վրկ, լեռնային բնակավայրերում բուք։

ՀՀ երկրորդ նախագահ Ռոբերտ Քոչարյանի պաշտպաններ Հովհաննես Խուդոյանն ու Արամ Վարդևանյանն ինքնաբացարկի միջնորդություն ներկայացրեցին Վերաքննիչ քրեական դատարանի դատավոր Արմեն Դանիելյանին, ում նախագահությամբ այսօր մեկնարկել է Մարտի 1-ի մայր գործով բոլոր նյութերը պաշտպաններին տրամադրելու գործով առաջին նիստը։

 Զոհրաբ Մնացականյանը շեշտել է անհրաժեշտ է խաղաղ գործընթացում ներգրավել՝ Արցախի ժողովրդի ընտրյալ ներկայացուցիչներին:

Սահամանադրական դատարանը վերցնելու այնպիսի մի որոշոմ ունի իշխանությունը, որը խաղաղություն է բերելու քաղաքացիներին: Իշխանության պլաններն այսօր անոնսել է իմքայլական պատգամավորներից մեկը: Նա կարծում է, որ հիմա Հայաստանի Հանրապետության քաղաքացիները նյարդային են ու չեն կարողանում աշխատել, քանի որ՝ նրա ձևակերպմամբ «Սահմանադրական դատարանը բռնազավթված է»: Բարձր դատարանի նախագահի մասին Նիկոլ Փաշինյանի այսօրվա գրառումը դատական իշխանությունը զավթելու փորձ է համարում Հրայր Թովմասյանի փաստաբանը:

Այսօր առողջապահության նախարարին հանդուժողական լինելու դասեր է տվել վարչապետ Փաշինյանը: Երբ կառավարությունը քննարկել է Արսեն Թորոսյանի առաջարկած նախագիծը՝ հոգեկան առողջության խնդիր ունեցողների իրավունքների ու պարտականությունների մասին, գործընկերները մի քանի կարծիք են հայտնել նախագծի մասին, ինչը նյարդայնացրել է Թորոսյանին:

Վիրուսի տարածումը Հայաստանում կանխարգելելու համար կառավարութունը միջգերատեսչական հանձնաժողով է ստեղծել: Կորոնավիրուսի պատճառով Ռուսաստանը փակել է Չինաստանի հետ սահմանը: Վիրուսից մահացածների թիվը մոտենում է երկուհարյուրի: Երկրում դեռևս արտակարգ դրություն հայտարարված չէ, սակայն այսօր հայտնի դարձավ, որ վիրուսը տարածվել է ամբողջ երկրով մեկ: Վարակը նաև թափանցել է աշխարհի 16 երկիր:

Վերջին ժամերի միջազգային գլխավոր լուրը: Միացյալ Նահագների նախագահի առաջարկած դարի գործարքը Մոսկվայում քննարկել են Իսրայելի ու Ռուսաստանի առաջնորդները: Իսրայելա-պաղեստինյան հակամարտությանը վերջակետ դնելու Թրամփի հաշտեցման պլանը պատմության աղբանոցն է ուղարկել Պաղեստինի նախագահը: Նա խաղաղության մի ճանապարհ գիտի՝ ստեղծել Պաղեստին պետություն 1967 թվականի սահմաններով:

«Ընդդիմադիր գործիչներին օրենքի տառին համապատասխան են բերման ենթարկել»,- կարծում է ոստիկանապետի ժամանակավոր պաշտոնակատարը: Արման Սարգսյանը պնդում է խոսք լինել չի կարող քաղաքական հետապնդման մասին: Ոստիկանների ոչ իրավաչափ գործողությունների համար հնարավոր է ծառայողական քննություն սկսել: Ոստիկանապետի ժամանակավոր պաշտոնակատարը ոչինչ չի բացառել եթե նման հանգամանքներ լինեն:

Արդարադատության նախարարի կարծիքով՝ Հրայր Թովմասյանը պետք է պատասխան տա իր արածների համար, քանի որ Հայաստանում որևէ մեկը բացարձակ անձեռնմխելիություն չունի: Սա միակ աղմկոտ հայտարարությունը չէ, որ այսօր արել է 28-ամյա նախարարը:

ԱԱԾ նախկին տնօրենին նոր մեղադրանք է առաջադրել Նիկոլ Փաշինյանի քաղաքական թիմը: Իշխանական պատգամավորը հայտարարել է, թե Վանեցյանը սպառնում է պետական գաղտնի հրապարակել: Նա հորդորել է իրավապահների պատասխանատվության կանչել Վանեցյանին:

Բարգավաճ Հայաստանը այսօր բոյկոտել է խորհրդարանական հանձնաժողովի նիստը, որտեղ մշակվում է ատելության խոսքի դեմ օրենսդրական բարեփոխումների նախագիծը: ԲՀԿ-ական պատգամավորներին դուր չի եկել, որ իշխանական թևը փորձում է խոչընդոտել այն հասարակական կազմակերպությունների ներկայացուցիչների մուտքը Ազգային ժողով, որոնք չեն հասցրել սահմանված ժամկետում գրանցվել և մասնակցել խմբի աշխատաքներին: Մինչ դեռ, ըստ մեր տեղեկությունների, հիմնականում հաստատել են միջազգային կազմակերպությունների՝ այդ թվում Սորոսի հիմանդրամի կողմից հովանավորվող ՀԿ-ները: