Լրահոս

Բրյուսելյան երկրորդ հանդիպման ժամանակ՝ ապրիլի 6-ին Փաշինյանն ու Ալիևը պայմանավորվել էին մինչև ապրիլի վերջ Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողով ստեղծել, որն այդպես էլ չեղավ:

Հայաստանի ԱԽՔ-ն այսօր հերքել է մամուլում շրջանառվող լուրը, թե Հայաստանը դիմել է ՀԱՊԿ-ին՝ ներքաղաքական լարվածությունը ճնշելու նպատակով զորք ուղարկելու համար:

Մարիուպոլի գործարանի տարածքը վերջին մեկ օրում ևս 771 զինյալ է լքել: Այս մասին հայտնել է Դաշնության պաշտպանության նախարարությունը։

Մինչ փողոցում քաղաքացիները պահանջում են իշխանափոխություն, իշխանությունը թարմացնում է թալանը հետ բերելու հին խոստումները:

Մայրաքաղաքում Նիկոլ Փաշինյանի հրաժարականի պահանջով անհնազանդության խաղաղ ակցիաներն այսօր կարելի էր անվանել ջրային: ՔՊ-ական օլիգարխի անվան հետ կապվող լրատվամիջոցի լրագրող ներկայացած աղջիկը ջուր է լցրել Ագնեսա Խամոյանի վրա:

Ադրբեջանի պաշտպանության նախարարությունը կրկին ապատեղեկատվություն է տարածում, իր հաղորդագրության մեջ պնդելով, թե իբր մայիսի 19-ին ՀՀ ԶՈւ ստորաբաժանումները տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը: Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ ստորաբաժանումների լիարժեք վերահսկողության տակ:

Պետական դավաճանության գործով դատավոր Կարեն Բիշարյանը նիստից մեկուկես ժամ անց հայտարարել է այսօրվա լսումներն ավարտելու մասին: Զոհված զինծառայողների ծնողները պահանջել են, որ դատավորը վերադառնա ու շարունակի նիստը:

Վարչապետ Նիկոլ Փաշինյանը մայիսի 22-ին աշխատանքային այցով կմեկնի Բրյուսել։ Նույն օրը վարչապետն առանձնազրույց կունենա Եվրոպական խորհրդի նախագահ Շառլ Միշելի հետ։ Բրյուսելում նախատեսվում է Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։

44-օրյա պատերազմում զոհված զինծառայող Մխիթար Գալեյանի հոր՝ Գարիկ Գալեյանի վիճակը կայուն ծանր է, նա հիվանդանոցում է: Այս մասին լրագրողների հետ զրույցում ասել է փաստաբան Վահան Հովհաննիսյանը: «Երեկ փորձել են հարցաքննել, սակայն ի վիճակի չի եղել ցուցմունք տալու»,-ասաց նա: Հիշեցնենք, որ Գարիկ Գալեյանը ձերբակալվել էր երեկ, սակայն ուշ երեկոյան նրան ստորագրությամբ ազատ արձակելու որոշում էր կայացվել։

Ոստիկանությունն այսօր դրսևորեց օրինապահ վարքագիծ։ Այսօր ոստիկանության ծառայողներն անում էին հենց այն, ինչը լիազորված են օրենսդրությամբ, նրանք ապահովում էին խաղաղ անհնազանդության մասնակիցների անվտանգությունը և աջակցում հավաքի անցկացմանը։ Պատճառը պարզ է բոլորիս, #նիկոլ_մահաբերը հանցավոր հրաման նրանց չէր տվել։

ՀՀ ԱԳՆ մամուլի քարտուղար Վահան Հունանյանը մեկնաբանությամբ է հանդես եկել Ադրբեջանի նախագահի՝ սահմանազատման և սահմանային անվտանգության հանձնաժողովի աշխատանքների մասին հայտարարությունների վերաբերյալ: «Հայկական կողմը շարունակում է հավատարիմ մնալ ձեռք բերված պայմանավորվածությունների կյանքի կոչմանը: Ըստ այդմ՝ հայկական կողմը որևէ հանդիպում չի չեղարկել և չի մերժել: Երկու երկրների ղեկավարների՝ Սոչիում և Բրյուսելում ձեռք բերված պայմանավորվածությունների շրջանակներում հայկական կողմը շարունակում է պատրաստակամ լինել հանձնաժողովների աշխատանքների մեկնարկը տալու համար»,- ասված է մեկնաբանության մեջ:

44-օրյա պատերազմում զոհված Սամվել Մարգարյանի այրին երեկ ֆեյսբուքյան գրառմամբ  հայտնել էր, որ իրեն ստիպել են ազատման դիմում գրել: Նա աշխատում էր Ավան վարչական շրջանի ղեկավարի աշխատակազմում՝ որպես գործավար-օպերատոր։ Նրան ստիպել են դիմում գրել նորանշանակ թաղապետ Վահե Հակոբյանի և տեղակալ Արսեն Հովհաննիսյանի հրամաններով։  «ArmDaily.am»-ի հետ զրույցում Սամվել Մարգարյանի այրին՝ Լիանան, հայտնել է, թե որն է եղել աշխատանքից ազատման պատճառը։ «Պատճառն այն է եղել, որ թաղապետը երբ մտնի կամ դուրս գա սենյակից, պետք է ոտքի կանգնեմ։ Այլ պատճառ չկա։ Եղել է խոսակցություն իմ և թաղապետի գործավարուհու միջև, երբ ես ասել եմ՝ ինչի՞ ես անընդհատ ոտքի կանգնում, երբ թաղապետը դուրս ու ներս է անում։ Ընդունարան է և հասկանալի՝ երբ գալիս են պետք է ոտքի կանգնես, դա էթիկա է և հարգանքի նշան։ Բայց ոչ ամեն վայրկյան։ Նախկին թաղապետի ժամանակ այդպես չի եղել»,- պատմել է Լիանան։ Նա նշել է, որ արդեն քաղաքապետարանից արձագանք է եղել. իր բարձրաձայնած խնդիրը գտնվում է Երևանի քաղաքապետարանի համակ ուշադրության ներքո, և խնդրի լուծման ուղղությամբ գործուն ձեռնարկվում են գործուն քայլեր։ Փորձեցինք մեկնաբանություն ստանալ նաև Ավան վարչական շրջանի ղեկավարից, սակայն թեժ գծին պատասխանած աշխատակցուհին նշել է, որ այսօր թաղապետի մոտ քաղաքացիների ընդունելության օր է, և նա չի կարողանա հարցերի պատասխանել։

«Yerevan.today»-ը գրում է․

Մարիուպոլի գործարանի տարածքը վերջին մեկ օրում ևս 771 զինյալ է լքել: Այս մասին հայտնել է Դաշնության պաշտպանության նախարարությունը։

Մայիսի 3-ին ոստիկանական կոշտ և անհամաչափ ուժի կիրառման դեպքերի առթիվ հերթական գրությունն էի ուղարկել ՀՀ գլխավոր դատախազ Արթուր Դավթյանին: Գրության մեջ կցել էի ինչպես ոստիկանության աշխատակիցների կողմից քաղաքացիների նկատմամբ օրվա զանգվածային բռնի ուժ գործադրելու տեսանյութեր, այնպես էլ կոնկրետ լուսանկարներ՝ոստիկանի կողմից հանրության համար վտանգավոր արարք կատարելու պահին: ՀՀ հակակոռուպցիոն կոմիտեից ստացել եմ գրություն, համաձայն որի ՀՀ գլխավոր դատախազին հասցեագրված իմ գրության կապակցությամբ ՀՀ հակակոռուպցիոն կոմիտեում նախապատրաստվող նյութերով որոշում է կայացվել քրեական գործ հարուցելու մասին։ Որոշման մեջ մասնավորապես նշվում է․ ՀՀ ոստիկանությունում պետական ծառայություն իրականացնող առանձին պաշտոնատար անձանց կողմից իրենց պաշտոնեական լիազորությունները չարաշահելու, ինչպես նաև բռնությամբ զուգորդված պաշտոնեական լիազորություններն անցնելու ենթադրյալ հանցագործությունների դեպքերի առթիվ ՀՀ քրեական օրենսգրքի 308-րդ հոդվածի 1-ին մասով և 309-րդ հոդվածի 2-րդ մասով հարուցել քրեական գործ, այն ընդունել վարույթ և ձեռնամուխ լինել նախաքննության իրականացմանը։ Օրենքով սահմանված թույլատրելիության սահմաններում հետևողական եմ լինելու քրեական գործի քննությանը, որպեսզի մեղավորները ենթարկվեն քրեական պատասխանատվության եւ շարունակելու եմ ամեն օրվա ոչ օրինաչափ դեպքերի առթիվ հանցագործության մասին հաղորդում ներկայացնել գլխավոր դատախազին:

Մարիա Զախարովան վստահեցրել է, որ Մոսկվան անկասկած արձաքագնելու է Հելսինկիին և դա լինելու է անկնկալ:

ՔՊ-ում կան մարդիկ, որ կարող են անցնել ժողովրդի կողմը, շատերն այնտեղ գերության մեջ են. Աղվան Վարդանյան