Լրահոս

«Մենք ոչ թե Ադրբեջանի հետ որոշեցինք, որ չենք կարողանում երկկողմ ձևաչափով բանակցել, այլ այս պրոցեսը միչ փոքր այլ նշանակությոն ունի, որովհետև այն կենտրոնացած էր «Խաղաղության խաչմերուկ»-ում ներդրումներ իրականացնելու ԱՄՆ-ի ակտիվ ցանկության վրա»,- ասաց նա։

«Հետագայում ինչպիսին էլ լինեն լուծումները, որոնց շուրջ, իհարկե, կլինեն խոսակցություններ, դրանք պետք է տեղավորվեն ինքնիշխանության, տարածքային ամբողջականության, իրավազորության սկզբունքների շրջանակում, և փոխադարձությունը պետք է աշխատի։ Մենք այս փուլում չենք մտել դետալների մեջ։», – ընդգծել է Փաշինյանը։

Կարծում եմ՝ ժամանակ կորցնելու կարիք չկա։ Եթե Ադրբեջանն ու Հայաստանը նախաստորագրել են խաղաղության համաձայնագիր, ապա դրա պաշտոնական ստորագրումը չպետք է հետաձգվի։ Վաշինգտոնում լրագրողների հետ հարցազրույցում հայտարարել է Ադրբեջանի նախագահ Իլհամ Ալիևը։

Օգոստոսի 8-ին, ժամը 22։09-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աբովյան քաղաքի ռազմական ոստիկանության մոտ այրվում է տնակ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է Մայակովսկի գյուղում՝ չշահագործվող փայտե տնակում։ Հրդեհը մեկուսացվել է ժամը 23:25-ին, մարվել՝ օգոստոսի 9-ին, ժամը 03:44-ին: Այրվել է տնակը (մոտ 30 քմ)՝ գույքով:

ԱՄՆ նախագահ Թրամփի ներկայությամբ Սպիտակ տանը վարչապետ Փաշինյանի և նախագահ Ալիևի կողմից քաղաքական հռչակագրի ստորագրումը կարևոր ձեռքբերում է ինչպես Հայաստանի, այնպես էլ Ադրբեջանի համար, երկարաժամկետ, կայուն խաղաղության ճանապարհ է հարթում՝ ինչպես երկու երկրների, այնպես էլ ողջ տարածաշրջանի համար, և միաժամանակ ամփոփում է ԵՄ բազմամյա ջանքերը։

Վաշինգտոնում Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։ Այս մասին տեղեկացնում են ՀՀ ԱԳՆ-ից։ Ադրբեջանի հետ ձեռք բերված համաձայնությամբ, համաձայնագրի նախաստորագրված տեքստը երկուշաբթի՝ օգոստսի 11-ի երեկոյան կհրապարակվի: Նախարարները ստորագրել են նաև ԵԱՀԿ-ին համատեղ դիմումը ԵԱՀԿ Մինսկի խմբի գործընթացների և առնչվող կառույցների փակման վերաբերյալ։

Փաշինյանը Վաշինգտոնից կրկին պատասխանում է լրագրողների հարցերին. ուղիղ

ՀՀ վարչապետ Նիկոլ Փաշինյանը պատասխանում է լրագրողների հարցերին։

1․ Մենք և Ամերիկայի Միացյալ Նահանգների նախագահ Դոնալդ Ջ․ Թրամփը ականատես եղանք Ադրբեջանի Հանրապետության և Հայաստանի Հանրապետության միջև խաղաղության ու միջպետական հարաբերությունների հաստատման մասին համաձայնագրի համաձայնեցված տեքստի նախաստորագրմանը Կողմերի արտաքին գործերի նախարարների կողմից։ Ըստ այդմ, մենք ընդունեցինք Համաձայնագրի ստորագրմանը և վերջնական վավերացմանը հասնելու ուղղությամբ հետագա գործողությունները շարունակելու անհրաժեշտությունը և ընդգծեցինք մեր երկու երկրների միջև խաղաղության պահպանման ու ամրապնդման կարևորությունը։

Այսօր մենք վերջ դրեցինք Մինսկի գործընթացին։ Այս մասին Սպիտակ տանը կայացած ԱՄՆ, Հայաստանի և Ադրբեջանի ղեկավարների եռակողմ հանդիպմանը հայտարարեց Իլհամ Ալիևը։ «Այն սկիզբ էր առել 92թ., ԵԱՀԿ շրջանակում բանակցությունը շարունակվում էր երեք տասնամյակ առանց որևէ արդյունքի։ Ուրիշ էլ ո՞վ է արժանի խաղաղության Նոբելյան մրցանակի, եթե ոչ նախագահ Թրամփը։ Նա վեց ամսում հրաշք է գործել»,- ասաց Ալիեւը։

«Երկար ժամանակ՝ 35 տարի նրանք կռվեցին։ Եվ հիմա նրանք ընկերներ են և ընկերներ են մնալու երկար ժամանակ». այս խոսքերով օգոստոսի 8-ին Սպիտակ տանը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ համատեղ հայտարարության մեկնարկում իր ելույթը սկսեց ԱՄՆ նախագահ Դոնալդ Թրամփը։ 

ՀՀ վարչապետի մամուլի քարտուղար Նազելի Բաղդասարյանը Ֆեյսբուքի իր էջում գրել է. «ՀՀ վարչապետ Փաշինյանի եւ ԱՄՆ նախագահ Թրամփի հանդիպումը Սպիտակ տանը։ Նպատակ ունենալով խորացնելու ռազմավարական համագործակցությունը երեք առանցքային ոլորտներում՝ Հայաստանի եւ Միացյալ Նահանգների Կառավարությունները ստորագրել են հետևյալ փոխըմբռնման հուշագրերը․ - «Խաղաղության խաչմերուկ» նախագծի կարողությունների զարգացման ոլորտում գործընկերության մասին - Արհեստական բանականության և կիսահաղորդիչների ոլորտում նորարարական գործընկերության մասին - Էներգետիկ անվտանգության ոլորտում գործընկերության մասին»: Գրառմանը կից Բաղդասարյանը հրապարակել է լուսանկարներ:

ՀՀ վարչապետն ընդգծել է, որ սա մեծագույն գործարք է:

Օգոստոսի 8-ին, ՀՀ Ներքին գործերի նախարարության ոստիկանության համայնքային ոստիկանության գլխավոր վարչության «Զվարթնոց» օդանավակայանի ծառայողները օդանավակայանում ձերբակալել են ՀՀ հայտնի երգիչներից մեկին։ Ինչպես հայտնում է ֆոտոլրագրող Գագիկ Շամշյանը, նրա մոտ հայտնաբերվել է կասկածելի իր, ինչի վերաբերյալ փաստաթղթեր են ձևակերպվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժին։ Նշված բաժին է ներկայացվել նաև երգիչը։Նախաքննության շահերից ելնելով՝ այս պահին որոշ մանրամասներ չեն հաղորդվում։

Փաշինյանը երջանիկ է Թրամփի կողքին

35 տարի իրենք կռվել են ու հիմա ընկերներ են լինելու երկար ժամանակ։ Մեծագույն պատիվ է բոլորին ողջունել Սպիտակ տանը։ Երկու հրաշալի առաջնորդներին ուզում եմ ողջունել Վաշինգտոն գալու համար, որպեսզի ստորագրեն այս պատմական հռչակագիրը։ Այս մասին այսօր Սպիտակ տանը ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ եռակողմ հանդիպմանը հայտարարեց ԱՄՆ նախագահ Դոնալդ Թրամփը։ Թրամփը հայտարարել է՝ Սյունիքով անխափան կապ է հաստատվելու Ադրբեջանի հիմնական հատվածի ու Նախիջևանի հետ՝ Հայաստանի ինքնիշխանությամբ ամբողջական շրջանակներում։ «Հայաստանը բացառիկ գործընկերություն է հաստատում ԱՄՆ-ի հետ՝ զարգացնելու այս միջանցքը, որը կարող է երկարացվել մինչև 99 տարի։ Ամերիկյան ընկերությունները անչափ հետաքրքրված են միանալու ենթակառուցվածքների զարգացմանը։», – նշել է Թրամփը։

Այս մասին հայտնում է ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։

Սպիտակ տանը մեկնարկեց Հայաստանի վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի եռակողմ հանդիպումը:

Սպիտակ տանը կայացած հանդիպումներից հետո վարչապետ Նիկոլ Փաշինյանն օգոստոսի 9-ին` Երևանի ժամանակով առավոտյան 08:00-ին, Վաշինգտոնից ուղիղ եթերում կպատասխանի Կառավարությունում հավատարմագրված ԶԼՄ ներկայացուցիչների կողմից նախապես ուղարկված հարցերին: Այս մասին հայտնում է վարչապետի մամուլի խոսնակ Նազելի Բաղդասարյանը։

Միացյալ Նահանգների նախագահ Դոնալդ Թրամփը Սպիտակ տան մոտ դիմավորեց Ադրբեջանի նախագահ Իլհամ Ալիևին։  Դիմավորման արարողության ժամանակ լրագրողի հարցին, թե որքանո՞վ է ԱՄՆ նախագահը վստահ, որ Հայաստանի ու Ադրբեջանի մեջ կլինի տևական խաղաղություն, Թրամփն ասաց. «Շատ վստահ եմ»։  Հաջորդ հարցին՝ արդյոք այսօրվա համաձայնագիրը կպաշտպանի քրիստոնյաներին, Թրամփը չպատասխանեց։ Լուսանկարվելուց հետո երկու երկրների նախագահները մտան Սպիտակ տուն։  Ավելի վաղ ԱՄՆ նախագահական նստավայրի դիմաց Թրամփը դիմավորել էր նաև Հայաստանի վարչապետ Նիկոլ Փաշինյանին և կայացել էր  նրանց երկկողմ հանդիպումը։   ՀՀ կառավարությունից հայտնել են, որ Նիկոլ Փաշինյանն օգոստոսի 8-ին Վաշինգտոնում երկկողմ հանդիպում կունենա Ամերիկայի Միացյալ Նահանգների նախագահ Դոնալդ Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։ Դոնալդ Թրամփն օգոստոսի 8-ին Truth Social հարթակում անդրադարձել էր Հայաստանի վարչապետի և Ադրբեջանի նախագահի հետ սպասվող եռակողմ հանդիպմանը՝ այն որակելով պատմական։  «Ես անհամբերությամբ սպասում եմ Սպիտակ տանը հյուրընկալելու Ադրբեջանի նախագահ Իլհամ Ալիևին և Հայաստանի վարչապետ Նիկոլ Փաշինյանին պատմական խաղաղության գագաթնաժողովի համար», - գրել էր ԱՄՆ նախագահը։  Նա հավելել էր, որ ԱՄՆ ներկայիս վարչակազմը բավականին երկար ժամանակ համագործակցել է երկու կողմի հետ և նշել, որ օգոստոսի 8-ին վարչապետ Փաշինյանը և նախագահ Ալիևը Սպիտակ տանը կմիանան իրեն՝ մասնակցելու խաղաղության փաստաթղթի ստորագրման պաշտոնական արարողությանը։