Թուրքիայում ավտոբուսի վթարի հետևանքով 2 մարդ զոհվել է, 15-ը՝ վիրավորվել

Թուրքիայում միջքաղաքային ավտոբուսի վթարի հետևանքով երկու մարդ է զոհվել, ևս 15-ը՝ վիրավորվել, հայտնում է թուրքական DHA գործակալությունը։

Ըստ աղբյուրի՝ տեղական ժամանակով ժամը 06.40-ին Իզմիր-Ստամբուլ երթուղով ընթացող ավտոբուսը 33 ուղևորներով կողաշրջվել է։

Նշվում է, որ անձրևից հետո երթուղի դուրս եկած ավտոբուսի վարորդը կորցրել է ղեկի կառավարումը: Ավտոբուսի երկու վարորդները ձերբակալվել են:

Վթարի հետևանքով վիրավորվածներից մեկի վիճակը ծանր է: