«Ռեալն» աշխարհի լավագույն ակումբն է․ «Ատալանտայի» գլխավոր մարզիչն՝ ՈւԵՖԱ-ի Սուպերգավաթի խաղից առաջ

«Ատալանտայի» գլխավոր մարզիչ Ջան Պիերո Գասպերինին խոսել է ՈւԵՖԱ-ի Սուպերգավաթի խաղարկության Մադրիդի «Ռեալի» դեմ կայանալիք հանդիպման մասին։

««Ռեալն» աշխարհի լավագույն ակումբն է. նման մրցակցի հետ խաղալը մեծ հպարտություն է մեզ համար»,- իտալացի մասնագետի խոսքերն է մեջբերում Madrid Xtra-ն։

Հիշեցնենք, որ Բերգամոն ներկայացնող ակումբը նախորդ մրցաշրջանում հաղթել էր Եվրոպա լիգայի գավաթը` եզրափակիչում խոշոր 3:0 հաշվով հաղթելով Լևերկուզենի «Բայերին»:

Օգոստոսի 14-ին Վարշավայում կկայանա Եվրոպա լիգայի և Չեմպիոնների լիգայի գործող գավաթակիրների հանդիպումը։ Հանդիպման մեկնարկը նախատեսված է Երևանի ժամանակով 23:00-ին:

Աղբյուր՝ ArmSport.am