Լրահոս

ՀՀ կրթության, գիտության, մշակույթի և սպորտի նախարարությունից ստացված 
տեղեկատվության հիման վրա ՀՀ գլխավոր դատախազության պետական շահերի 
պաշտպանության վարչության իրականացրած ուսումնասիրությամբ պարզվել են 
«Երևանի Լսողության խանգարումներ ունեցող երեխաների հատուկ կրթահամալիր» 
ՊՈԱԿ-ի պատասխանատու պաշտոնատար անձանց կողմից առանձնապես խոշոր չափերով 
գույքի հափշտակության, պաշտոնեական դիրքի չարաշահման և պաշտոնեական կեղծիք 
կատարելու հանցագործությունների առերևույթ հատկանիշներ:

Հարգելի հայրենակիցներ, վերջին 20 օրերին հանրապետությունում գրեթե տեղումներ չեն դիտվել և առաջիկա 5 օրերին չեն կանխատեսվում: Օդի ջերմաստիճանը տարվա այս ժամանակահատվածի համար նորմայից բարձր է 4-5 աստիճանով և առաջիկա օրերին առանձնապես չի նվազելու։ Պայմանավորված այս գործոններով, հանրապետության գրեթե ողջ տարածքում ձևավորվել է բարձր կարգի հրդեհավտանգ իրավիճակ, որը առաջիկա օրերին չի մեղմվելու։ Ուստի կոչ ենք անում պահպանել հրդեհավտանգության կանոները, ձեր կողմից կրակի հետ ցանկացած անզգուշություն, կարող է աղետալի հրդեհների պատճառ դառնալ։

Հաշմանդամություն ունեցող քաղաքացին դիմել է  Մարդու իրավունքների պաշտպանի աջակցությանն իր բնակության շենքի բակում ավտոմեքենան անխոչընդոտ կայանելու նպատակով առանձնացված կայանատեղի հատկացնելու հարցում:

Հայաստանի Հանրապետության ազգային անվտանգության ծառայությունը կոռուպցիայի դեմ պայքարին ուղղված իր գործառույթների իրականացման շրջանակներում ձեռնարկած օպերատիվ-հետախուզական միջոցառումների և քննչական գործողությունների արդյունքում բացահայտել է ՀՀ պաշտպանության նախարարության կարիքների համար գնումների գործընթացում առանձնապես խոշոր չափերով գումարի հափշտակման դեպք:

Ստամբուլյան կոնվենցիան վավերացնելու փորձ անելու դեպքում խոստանում եմ, որ իշխանությունդ կորցնելու ես և կորցնելու ես համաժողովրդական ցասման արդյունքում: 

Այսօր անսպասելի ելք է ունեցել «Այլընտրանքային քաղաքապետարան» նախաձեռնության ակցիան: Քաղաքապետի համար կոյուղաջուր տարած Սոնա Աղեկյանին այս անգամ ոստիկանական բաժին չեն տարել: 

Սեյրան Սարոյանն այսօր լրագրողներին ասուլիսի էր հրավիրել իր առանձնատուն՝ խոսելու հատկապես այն մասին, թե արդյոք ճիշտ են լուրերը, որ ոստիկանները մտել են իր տուն իսկ ինքը փախել է հետնամասով: Առանձնատան պարտեզի ճոճանակին գեներալի ու լրագրողների խոսակցությունը իհարկե ավելի հեռուն է գնացել:

Մանվել Գրիգորյանը կալանքի տակ կմնա: Երևանի ընդհանուր իրավասության դատարանը դարձյալ մերժել է նրա խափանման միջոց կալանքը փոխելու՝ պաշտպանների ներկայացրած միջնորդությունը: Գրիգորյանը դատական նիստին այս անգամ էլ չի մասնակցել: Փաստաբանների խոսքով՝ այս պահին նրա առողջական վիճակը ծայրահեղ ծանր է: 
Հավանաբար այդ պատճառով՝ հալվել է սառույցը նրա ու մարտական ընկերոջ՝ Սեյրան Սարոյանի մեջ: Գեներալ Սարոյանը ամիսներ առաջ արած բավականին կոշտ ձևակերպուներից հետո, այսօր մեղմությամբ է հիշել ընկերոջը, պարզվում է՝ Մանվել Գրիգորյանի առողջական վիճակի հարցը քննարկել է անգամ Նիկոլ Փաշինյանի հետ:

Իջևանի հայտնի դեպքերից հետո, երբ փայտի գործով զբաղվողները փակեցին միջպետական ճանապարհն ու բախվեցին իրավապահների հետ, 9 մարդ դեռ զրկված է ազատությունից: Արմավիր քրեակատարողականում իրենց համար ճակատագրական որոշմանն են սպասում Նարեկ ու Արթուր անուններով եղբայրաները: Նրանց հայրը ահազանգում է՝ որդիները առողջական լուրջ՝ կալանքի հետ անհամատեղելի խնդիր ունեն:
 

Բյուջեում փող կա, բայց տնտեսագետները վստահ են՝ Կառավարությունը չգիտի, թե դրանով ինչ կարելի է անել: Սա է պատճառը, որ երկրի մեծ դրամապանակը հիմա օգտագործվում է ֆորսմաժորային եղանակով, փողը բանկում ավանդ են դրել այն դեպքում, երբ կարելի է դրանով սոցիալական լուրջ խնդիրներ լուծել: Սա նման է մի վիճակի, երբ դոշակիդ տակ փող կա, բայց ընտանիքդ սոված է:  

Ավտոերթով Երևան եկած ջերմուկցիները այսօր նորից իրենց տանն են: Գնացել են՝ հետները տանելով վստահությունը, թե իրենց ընտրած վարչապետը ժողովրդի կամքին հակառակ որոշում չի կայացնի: Բնապահպան-ակտիվիստների, ջերմուկցիների ու գնդևազցիների համար սառը ցնցուղ էր Ամուլսարի ոսկու հանքի շահագործումը թույլատրելու՝ վարչապետի որոշումը:
 

Դեռ պարզ չէ, թե ինչ է լինելու Ամուլսարի մասին վարչապետ Փաշինյանի հաղորդման հիման վրա հարուցված քրեական գործի ճակատագիրը, այն կարճվելու է՝ թե ոչ, բայց նոր տեղեկություն կա, որ դատախազությունը Ազգային անվտանգության ծառայություն է ուղարկել հանցագործության հատկանիշներով հրապարակումներ: Մասնավորապես՝ Բնապահպանական տեսչության նախկին ղեկավար Արթուր Գրիգորյանի ֆեյսբուքյան գրառումը, որով նա ահազանգում է Ամուլսարի հարցում կոռուպցիոն գործարքի մասին: 
Արթուր Գրիգորյանի ֆեյսբուքյան գրառումով Ամուլսարը բաժանանար է դարձել հեղափոխականների ճանապարհին: Փոխվարչապետ Տիգրան Ավինյանն ու տեսչական մարմնի նախկին ղեկավարը փոխադարձ վիրավորանքներ են հնչեցրել: