Լրահոս

Թուրքիայում մեկնարկել են Նևշեհիրում գտնվող Սուրբ Թեոդորոս Տրիոն հունական եկեղեցու պատերին արված գրառումների մաքրման աշխատանքները։ Այդ մասին, ըստ Akunq.net-ի․ հաղորդում է «Դողան» լրատվական գործակալությունը։

Ֆորմուլա 1-ի Գրան Պրին տեղի կունենա Ադրբեջանում՝ 2020 թվականի հունիսի 7-ին: Այն բաղկացած կլինի 22 մրցարշավից, որից՝ մարտի 15-ինը տեղի կունենա Ավսրտալիայի Մելբուրն քաղաքում, իսկ ավարտը՝ Աբու Դաբիում, տեղեկացնում է APA գործակալությունը: 

Մեծ Բրիտանիայի Տեխնոլոգիաների Ակադեմիայի գիտնականները 3D ֆորմատով ստեղծել են իրենց պատկերացմամբ մեքենաներ, որոնք կգործեն 50 տարի անց՝ 2069 թվականին, տեղեկացնում է Daily Mail-ը: 

Ավելի քան 16,000 ձեռնարկատիրություն վերադառնում է Հալեպ, այս մասին հայտնել է Հալեպի քաղաքապետ Հուսսեյն Ահմադ Դիաբը, տեղեկացնում է Tass-ը: Ըստ նրա, մինչ քաղաքացիական պատերազմի սկսվելը Հալեպում գործում էր ավելի քան 34,000 գործարան եւ ձեռնարկատիրություն: «Ցավոք, պատերազմի ընթացքում այդ հաստատությունները ավերվեցին ահաբեկիչների կողմից», ասել է Դիաբը: 

Խորհրդարանական երկրի խորհրդարանի արձակուրդն ավարտվել է, բայց շենքում աշխատանքային աժիոտաժ չկա: Մոտ մի ամիս լրահոսում պտտվում էին տեղեկություններ, թե աշխատակազմից մարդկանց են հեռացնում, հետո՝ նորից հետ կանչում:
 

Նախկին պաշտոնյաների դեմ հարուցվող քրեական գործերը շուտով հնարավոր է՝ նոր թափ հավաքեն: Իշխանական կուլիսներում քննարկվում է մի անկախ մարմին ստեղծելու թեման, որ պետք է ուսումնասիրի անկախության պատմության բոլոր ընտրություններում մարդու իրավունքների հնարավոր խախտումները: Փորձագետներն ու իրավաբանները անցյալի՝ հանգիստ չտվող ուրվականներին արթնացնելու այս պրոցեսում վտանգավոր նախադեպ են տեսնում:

Մեր երկրում այս օրերն իսկական տոն են լուսանկարչության սիրահարների համար: Օլլ մին ու թովմասյան հիմնադրամը Հայաստան են բերել միջազգային ֆոտո ֆեսթը:

Իմ քայլը խմբակցությունը նորից նիստ է հրավիրել՝ իրենց խոսքով, օրակարգային հարցեր քննարկելու: Մինչև սա մամուլում համառ շշուկներ էին պտտվում, որ շաբաթ օրը կառավարության գրեթե բոլոր անդամները ու իմ քայլը խմբակցության ներկայացուցիչնրը Ծաղկաձորում վարչապետի գլխավորությամբ քննարկման են նստել, որի ընթացքում Փաշինյանը հստակ դժգոհություն է հայտնել այն պատգամավորներից, որոնք այս ընթացքում ոչինչ չարեցին Ամուլսարի հարցում Կառավարության դիրքորոշմանն աջակցելու համար: Հայտնի է, որ Ամուլսարի շահագործմանը խորհրդարանական մեծամասնության ոչ բոլոր ներկայացուցիչներն են կողմ:  

Մինչ մամուլը հաշվում է ՊԵԿ նախկին նախագահ, Ֆինանսների նախկին նախարար Գագիկ Խաչատրյանի ունեցվածքը, նրա փաստաբանը այսօր արդեն բողոքարկել է Խաչատրյանին ձերբակալելու որոշումը: Առնվազն հինգ տարվա վաղեմության չարաշահումների կասկածով վեց ամիս երկրից չհեռացած նախկին պաշտոնյային անազատության մեջ պահելու իմաստը փաստաբանը չի հասկանում:
 

Տնտեսագիտական համալսարանում ուսումնական տարվան պատրաստվելու փոխարեն դեռ զբաղված են ռեկտորի հին ու նոր ժամանակավոր պաշտոնակատարներով: Գրագողության ու դասախոսների հետ անհարգալից լինելու համար մեղադրվող նախկին պաշտոնակատար Ռուբեն Հայրապետյանի արած նշանակումները մերժելու կամ հաստատելու համար այսօր գիտխորհրդի նիստ է հրավիրվել, համալսարանում են եղել նաև աշխատանքից ազատված դասախոսներն ու ռեկտորի նորանշանակ պաշտոնակատարը:  

Սահմանադրական դատարանն օգոստոսի 29-ին աշխատակարգային որոշմամբ հետաձգել է ՀՀ երկրորդ նախագահ Ռոբերտ Քոչարյանի դիմումների քննության գործով վաղը կայանալիք նիստը։

ՍԴ կայքում տեղադրված աշխատանքային որոշման մեջ համաձայն՝ այն տեղի կունենա սեպտեմբերի 3-ին։