Լրահոս

3-րդ նախագահ Սերժ Սարգսյանին մեղադրանք է առաջադրվել մոտ կես միլիարդ դրամի հափշտակություն կազմակերպելու համար:

Ֆիլիպինների Տիսոյ թայֆունի հետևանքով զոհերի թիվը հասել է 17-ի: Տարհանվել է մոտավորապես կես միլիոն բնակիչ: Այժմ թայֆունի պատճառով փակ է երեք կամուրջ եւ մի քանի ճանապարհ:

Այսօր խորհրդարանի առաջ լարված իրավիճակ էր: Այնտեղ բողոքի ակցիա են անցկացրել Արցախի մարտական դիրքերից մեկում հրազենային վիրավորումից մահացած Արթուր Աջամյանի հարազատները: Նրանք պահանջել են բացահայտել 21-ամյա զինծառայողի մահվան հանգամանքները: Հակառակ դեպքում խոստացել են զինծառայողի դագաղը բերել խորհրդարանի մոտ:

Մարտի 1-ի գործով տուժողներից Բաբկեն Մկրտչյանը, որ 2008-ին ծառայել է ոստիկանության ներքին զորքերում, այսօր ընթացող դատավարությունը ներկայացում է անվանում բեմադրված այսօրվա իշխանությունների կողմից:

ԱԺ փոխնախագահ Ալեն Սիմոնյանը կարծում է, որ Կրթության նախարարության դիմաց երեկ երիտասարդ դաշնակցականների ցույցը ցրելիս՝ ոստիկանությունը բավականին փափուկ ուժ է գործադրել: Սիմոնյանը դաշնակցական հայտնի գործիչներին մեղադրել է երիտասարդների թիկունքում թաքնվելու եւ քաղաքական դիվիդենտներ շահելու փորձերի մեջ:

Քոչարյանի և մյուսների գործով ընթացող դատավարությունը աբսուրդի ժանրից է համարում քաղաքական մեկնաբան Մենուա Հարությունյանը: Նաև կանխատեսում, որ շուտով սկսվելու են համաժողովրդական ընդվզումները: երբ ժողովուրդը սկսի համեմատել ընդդիմադիր Նիկոլ Փաշինյանին՝ վարչապետ Նիկոլ Փաշինյանի հետ:

Իմ քայլը ու ԲՀԿ-ն նորից մեղադրանքներ ու վիրավորանքներ են փոխանակել: Այս անգամ առիթը ԲՀԿ նախագահ Գագիկ Ծառուկյանի հայտարարություններ էին Երեւանի քաղաքապետի մասին:

ՀՀ հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների համակցության հիման վրա ՀՀ նախկին նախագահ Սերժ Սարգսյանին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքի կատարման համար, որ նա, 2008 թվականի ապրիլի 9-ից մինչև 2018 թվականի ապրիլի 9-ը զբաղեցնելով ՀՀ նախագահի պաշտոնը, իր պաշտոնեական դիրքն օգտագործելով, 2013 թվականի հունվարի 25-ից մինչև նույն թվականի փետրվարի 7-ն ընկած ժամանակահատվածում կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը:

Մարտի 1-ի գործով դատաքննությունը մոտ մեկ ամսով ընդհատվեց: Դատավոր Աննա Դանիբեկյանն այսօրվա դատական նիստում հայտարարեց, որ դեկտեմբերի 10-ից 30-ը գտնվելու է արձակուրդում։ Թեև Ռոբերտ Քոչարյանի ու մյուսների գործով դատը սկսվել է գարնանը, ու բուն գործի քննությանը դեռ չի հասել, դատավորը հրաժարվեց մինչև արձակուրդ մեկնելը ևս մեկ նիստ նշանակել: Պատճառաբանությունն այն էր, թե դատական նիստերի դահլիճը ծանրաբեռնված է: Իսկ Քոչարյանի պաշտպանական թիմը այդ նիստի անհրաժեշտությունն էր զգում մարդիկ կան, ովքեր ցանկանում են անձնական երաշխավորություն ներկայացնել Քոչարյանի խափանման միջոցը փոխելու համար:

Բողոքի ցույցերի մեջ խճճված մեր աշխարհի համար ի՞նչ կանխատեսում ունեն աստղաբանները: 2020-ին ընդառաջ հուսադրող մտքեր երևի հենց միայն նրանք են տալիս:

Նախարարների աշխատավարձերը՝ պարգեւավճարների տեսքով գաղտնի բարձրացնելու սկանդալից հետո հիմա էլ Ազգային ժողովի պատգամավորներն են աստղաբաշխական պարգեւավճարներ ստանում: Խոսքը մոտ 2 միլիոն դոլորի մասին է, որ բաժանվել է տասը ամսում:

Մարտի մեկի գործից մինչև քաղաքապետարանի նվիրատվությունների սկանդալ ու մարզպետների պարգևատրումներ: Այսօր լրագրողները Արարատի մարզում փորձել են հարցեր ուղղել վարչապետ Փաշինյանին, ակայն նա սահուն շրջանցել է դրանք, խոսել միայն փոքրիկ Սամվելիկի իրականացած երազանքի ու փռված ասֆալտի որակի մասին: