Լրահոս

Վերջապես հայտնի է Պոլսո հայոց 85-րդ պատրիարքի անունը: Ինչպես և սպասվում էր,, ընտրվել է Սահակ Եպիսկոպոս Մաշալյանը: Բայց 12 տարի հոգևոր առաջնորդի սպասող պոլսահայությունը հիմա բաժանված է երկու ճամբարի, ոմանք վստահ են, որ Մաշալյանը պատրիարքի աթոռին երկար չի մնալու:

Բուդն ու բլինչիկները ոնց կուզեք, բայց ամանորի տոնական սովորությունների մեջ կան իրոք վտանգավոր բաներ: Միայն անցյալ տարի Հայաստան է ներմուծվել մոտ 12 միլիոն պայթուցիկ տոնական պայթուցիկ: Դրանք ոչ միայն վախեցնում են մարդկանց, այլ վտանգավոր զենք են դառնում երեխաների ձեռքերում նրանք հաճախ այրվածքներ ու կոտրվածքներ են ստանում:

Ո՞ւմ է ակնարկում Քոչարյանը՝ ասելով, որ անընդունելի է Ղարաբաղում ունենալ քծնող նախագահ, ով հնազանդորեն տուրք է տալիս որեւէ մեկի, ներառյալ Հայաստանի վարչապետի, քմահաճույքներին: Հայակակն երկրորդ հանրապետությունում նախագահական ընտրությանն ընդառաջ թեկնածուներից առաջինը այս ակնարկին արձագանքել է նախկին վարչապետը: Արայիկ Հարությունյանի խոսքով բոլորը գիտեն, որ ինքը կոփված է պատերազմում ու Արցախյան հարցի կարգավորման մասին կոշտ դիրքորոշում ունի:

Հայաստանն իմ օջախն է, ժողովուրդը՝ իմ ընտանիքը նշանաբանով վարչապետ Փաշինյանն առաջարկում է նոր Տարին դիմավորել ամենահարազատ մարդկանց՝ ընտանիքի անդամների հետ ոչ թե տանը այլ հանրապետության հրապարակում:

Նախկին պատգամավոր Սամվել Ֆարմանյանն այսօր ահազանգեց քաղաքականության ու ինտելեկտի վերջնական ապահարզանի մասին: Չեն հերքվում տեղեկությունները, որ կառավարությունը մտադիր է դադարեցնել Ի՞նչ, որտե՞ղ, ե՞րբ հեռուստանախագծի ֆինանսավորումը: Հայ ասպետ ինտելեկտուալ խաղի, Անդին ամսագրի փակումից ու «Ազգ» թերթի մշակութային հավելվածի ֆինանասավորումը դադարեցնելուց հետո «Ի՞նչ, որտե՞ղ, ե՞րբ» հեռուստանախագծի փողը կտրելու որոշումը ֆեյսբուքյան մեմերի պատճառ է դարձել:

Սիրո ու հանդուրժողականության կուլտուրայի մասին: Խորհրդարանում այսօր հետ հայացք են գցել մեկ տարվա աշխատանքին ու փորձել հասկանալ արդյոք սիրո ու հանդուրժողականության խոստումները իրենց հետ Ազգային ժողով մտնելու մանդատ են ստացել:

Սահմանադրական դատարանի դատավորների վաղ թոշակի ուղարկելու օրինագիծը, որ ընդդիմությունն անվանում է օրինական կաշառքի նախագիծ այսօր ընդունվեց երկրորդ ընթերցմամբ և ամբողջությամբ չնայած Բարգավաճ Հայաստան և Լուսավոր Հայաստան խմբակցությունները դեմ քվեարկեցին, վստահ են, որ այս օրենքով իշխող քաղաքկան ուժը պարզապես հեռացնում է իր համար անցանկալի դատավորներին՝ թեկուզ անաշխատ եկամուտ տալու գնով:

Մեծ է հավանականությունը, որ 2020-ին Հայաստանում տեղի ունենան արտահերթ խորհրդարանական ընտրություններ: Կանխատեսումը Հայաստանի երկրորդ նախագահինն է: Ի տարբերություն քաղաքական մեծամասնության պատգամավորների Ռոբերտ Քոչարյանը վստահ է, որ վերջին մեկ ու կես տարում մեր երկիրը հակառակը շեղվել է սիրո ու հանդուրժողականության ուղուց և անցնում է ատելության, չարության մութ արահետով:

Շինծու գործը չի կարող իրավական հեռանկար ունենալ: Սակայն, հաշվի առնելով իրավական ամենաթողությունը, ներկա իշխանությունների օրոք այս քրեական գործով վերջնական հանգուցալուծմանը կարելի է սպասել ՄԻԵԴ-ի միջամտությամբ:

Հայտնի հետախույզներ Վարդանյան ամուսիների կենսագիրը նոր մանրամասներ է պատմել Թեհրան 43-ի հերոսների մասին: Գուրգեն Խաժակյանի հետ զրուցել է իմ գործընկերը:

Եվս մեկ քրեական պատմություն է հյուսվում Երկրորդ նախագահի աջակիցների շուրջ: Իմքայլական պատգամավոր Կարեն Սարուխանյանը հայտարարում է, թե Քոչարյանի աջակիցը Գյումրիում ծեծել է իր ընկերոջը, իսկ պատճառը իր ֆեսբուքյան քննադատությունն է դեկտեմբերի 7-ին, Քոչարյանի անունից Գյումրի ծաղկեպսակ ուղարկելու վերաբերյալ: Ծեծի այս պատմության արդյունքում, ձերբակալված գործարարի ընկերը կտրականապես հերքում է իշխանական պատգամավորի վարկածը վստահեցնելով, որ հերթական գործն է կարվում փորձելով քաղաքական երանգ տալ կենցաղային վեճին:

Հեռուստատեսության և ռադիոյի մասին նոր օրինագիծը տևական քննադատություններից հետո հանվում է շրջանառությունից: Այսօր նախագծի քննարկման ժամանակ հաստատել է իմքայլական պատգամավորը:

Այսօր ՎԵՏՕ շարժման ղեկավար Նարեկ Մալյանի ու Ռեստարտի գործով առաջին դատական նիստն էր: Ինչպես գիտեք ամիսներ առաջ, ուսանողական նախաձեռնության անդամները իրենց սորոսական լինելու մեջ մեղադրող Մալյանին փորձել էին աղբամանը գցել: