Լրահոս

Կանաչ մայրցամաքը չի ազատվում կրակից: Ամազոնի անտառներից հետո, վերջին տարիների ամենամեծ անտառային հրդեհներն են Ավստրալիայում: Վերջին հաշվարկով մոտ վեց միլիոն հեկտար տարածք է այրվել: Կրակի զոհ դարձած կենդանիները մոտ մեկ միլիարդ 25 միլիոնն են:

Ի դեպ, այսօր կալանավորվել է հունվարի հինգին ԱԱԾ բերման ենթարկված մի երիտասարդ, որը կեղծ ֆեյսբուքյան էջով լուր էր տարածել, թե իբր Փաշինյանը ԱՄՆ նախագահին շնորհավորել է իրանցի գեներալի սպանության համար: ԱԱԾ-ի տեսանյութում երիտասարդը նշում էր, որ ինքը Ռոբերտ Քոչարյանի կալանավորումը համարում է անարդարացի: Քոչարյանի փաստաբանական խումբը կարծում է, որ վերջին շրջանում տարբեր հանցանքների մեջ կասկածվողներին Քոչարյանի աջակից ներկայացնելը կա՛մ նախապատարստված գործողություն է, կա՛մ բերման ենթարկվածները ազդանշան են ստանում, որ իրավապահներից մեղմ վերաբերմունք կարող են ակնկալել, եթե իրենց գործը կապեն Քոչարյանի անվան հետ: Այդպիսի մի քերական գործով մոտ երկու շաբաթ կալանավորված է 5-րդ ալիքի սեփականատեր Արմեն Թավադյանը:

Հունվարի մեկից գործող բալային համակարգը խոցելի կողմեր ունի: Ճանապարհային երթևեկության փորձագետի գնահատականով, եթե դրանք չվերացվեն, ապա ոչ մեկ , ոչ էլ 10 տարի անց՝ Երեւանը Օսլո չի դառնա: Նորվեգիայի՝ մեկուկես միլոն բնակչությամբ մայրաքաղաքում, անցած տարի ընդամենը մեկ մարդ է ավտովթարի զոհ դարձել:

Տոնական պայթուցիկներից ստացած վնասվածքների պատճառով այս տարի ամանորը հիվանդանոցում է անցկացրել 52 քաղաքացի: Պայթուցիկների ցավոտ հետևանքները անգամ ստիպում են երեխաներին փոխել երազանքները:

Ավելի լավ կյանքով ապրելու մասին հայտարարած Նիկոլ Փաշինյանը պարզվում է շտապել էր, երբ ֆեյսբուքում գրել էր, թե 2019-ի ՀՆԱ-ի աճով անցել ենք նաև Ադրբեջանին: Նա խմբագրել էր գրառումը, բայց ոչ լավատեսությունը: Փաշինյանը վստահություն էր հայտնել, որ ցանկությունն իրականություն կդառնա 2020-ին: Իսկ իրականում նոր տարին կյանքը նորից թանկացրել է հայաստանցիներիս համար: Ըստ տնտեսագետների՝ ավելացած թոշակ-աշխատավարձը հազիվ կփակի ավելացած ծախսերը:

Առավոտից փակված Գյումրի-Երևան ճանապարհը արդեն բաց է: Այն փակել էին Մարալիկի բնակիչները՝ բողոքելով առողջապահության նախարարության որոշման դեմ, որով այս տարվանից փակվում է քաղաքի ծննդատունը: Նախարարությունը պատճառաբանում է, թե ավելորդ ծախս է, քանի որ ծնունդները քիչ են: Մինչ Մարալիկում առողջապահության նախարարության ներկայացուցիչները փորձում էին համոզել, որ իրենց որոշումը հիմնավոր է, Մարալիկի ծննդատանը առավոտից արդեն երեք ծնունդ են ընդունել:

Վերջին տեղեկությունները հարևան Իրանում տեղի ունեցած ավիաաղետի մասին: Արդեն հայտնի է օդանավի կործանման նախնական վարկածը և զոհերի վերջնական թիվը: Իրանի արտակարգ իրավիճակների վարչության տվյալով, ինքնաթիռում եղել է 176 մարդ այդ թվում անձնակազմը: Ցավոք, որևէ մեկը ողջ չի մնացել: Ըստ մեր արտգործնախարարության՝ զոհվածների թվում Հայաստանի քաղաքացիներ չկան: Թեհրանից Կիև թռչող օդանավը կործանվել էր լուսաբացին: Իրանական կողմը վթարից ժամեր անց գտել է օդանավի սև արկղերը:

Ուկրաինայի արտաքին գործերի նախարար Վադիմ Պրիստայկոն հայտնել է, որ Իրանում կործանված ինքնաթիռում եղել են՝ 82 իրանցի, 63 կանադացի, 11 ուկրաինացի, ներառյալ ուկրաինացի անձնակազմը, 10 շվեդացի, 4 աֆղանացի, 3 գերմանացի եւ 3 անգլիացի: Նա հայտնեց նաեւ, որ ուղեւորների մեծ մասի համար չվերթը տրանզիտային էր, տեղեկացնում է Star tribune-ը:: 

ՀՀ երկրորդ նախագահ Ռոբերտ Քոչարյանի Փաստաբանական թիմի անդամ, պաշտպան Հայկ Ալումյանը վճռաբեկ բողոք է ներկայացրել Ռ․ Քոչարյանի նկատմամբ Վերաքննիչ դատարանի կողմից գրավի կիրառումը թույլատրելի չճանաճելու դեմ։

Իրանը սպառնացել է հրթիռակոծել Դուբայն ու Իսրայելը, եթե ԱՄՆ-ն հակահարված տա Իրաքում ամերիկյան ռազմաբազաների վրա հրթիռակոծության դիմաց: Հիշեցնենք, որ Իրանը տասնյակ բալիստիկ հրթիռներ է արձակել Իրաքում տեղակայված ամերիկյան օդային ռազմաբազաների վրա: Իրանի պետական հեռուստաընկերությունը հայտարարել է, որ այդ հարձակումները վրեժ են եղել Իրանի գլխավոր հրամանատար Ղասեմ Սոլեյմանիի սպանության համար, տեղեկացնում է Daily Mail-ը:

ԱՄՆ Պաշտպանության նախարարությունը հայտնում է, որ Իրանը մեկ տասնյակ բալիստիկ հրթիռ է արձակել Իրաքում գտնվող ամերիկյան օդային ռազմաբազայի վրա: Իրանի պետական հեռուստաընկերությունը հայտնել է, որ հարձակման պատճառը Իրանի գլխավոր հրամանատար Ղասեմ Սոլեյմանիի սպանությունն է, որը եղել է ԱՄՆ նախագահ Դոնալդ Թրամփի կողմից հրահանգված: Պենտագոնը հայտնում է, որ երկու օբյեկտ արդեն ավերվել է: Տուժածների մասին դեռեւս տեղեկություն չկա, տեղեկացնում է BBC-ն:

Իրանում կործանվել է ուկրաինական Boeing-737 ինքնաթիռը,  որում եղել է 180 ուղևոր: Ինքնաթիռը կործանվել է թռիչքից անմիջապես հետո՝ Թեհրանի Իմամ Խոմեյնիի անվան օդանավակայանում: 

Հայաստանի մեծ ու փոքր խանութներում այս պահին թեժ առևտուր է: Ինչպե՞ս նշել Ամանորը. խոզի բդի ու բլինչիկի գերության մե՞ջ, թե Հանրապետության հրապարակում՝ հոթ- դոգ ուտելով ու Բրեգովիչ լսելով:  

Նոր աշխարհի տեխնոհրաշքների մասին, որոնք պատահել են այս տարի: