Լրահոս

Ադրբեջանի ԶՈՒ կողմից հայ-ադրբեջանական սահմանին մայիսի 12-ին և 13-ին իրականացված սադրանքներից հետո ստեղծված իրադրության մեջ, մայիսի 18-ի առավոտյան դրությամբ, փոփոխություններ չեն արձանագրվել։ Իրադրությունը համեմատաբար հանգիստ է, հայկական ԶՈՒ ստորաբաժանումները կանխում են ՀՀ տարածք մուտք գործած ադրբեջանցի զինվորականների թիկունքային ապահովման փորձերը։

Երեկ՝ մայիսի 17-ին, Մոսկվա-Երևան ինքնաթիռի ժամանումից հետո ԱԱԾ մեկուսարան է տեղափոխվել ՀՀ Տրանսպորտի եւ կապի նախկին նախարար Գագիկ Բեգլարյանը։ Նա 2020 թվականի մարտից ՀՀ ոստիկանության կողմից գտնվում էր հետախուզման մեջ ՀՀ Քր. Օրի 179 հոդվածի 3-րդ մասի 1-ին կետի և 308 հոդվածի 2-րդ մասի մեղադրանքներով։

Փաշինյանի հետ բանակցություններից հետո ադրբեջանական կողմը հայտարարեց՝ Փաշինյանը խոստացել է, որ 8 գյուղ Տավուշից պիտի տա, և մեկ գյուղ էլ՝ Արարատի մարզից, որը տալուց հետո մենք ճանապարհ չենք ունենա դեպի Սյունիք: Այս մասին այսօր հրավիրված ասուլիսի ժամանակ ասաց տնտեսագետ Հրանտ Բագրատյանը՝ խոսելով Սյունիքում տիրող իրավիճակի, հակառակորդի՝ Սև լճին մոտենալու մասին:

Գեղարքունիքի սահմանը հատած ադրբեջանական զինուժի մասին տեղեկությունները ևս հակասական են՝ նշվում է, որ թշնամին վրաններ է տեղադրում, և, որ անգամ կան շրջափակման  մեջ հայտնված հայ զինծառայողներ։