Լրահոս

Առատ ձյունը պարալիզացրել է երթևեկությունը մարզերի ու մայրաքաղաքի ճանապարհներին: Վրաստան գնացող բեռնատարները կանգնած են մնացել Ապարանում, առավոտյան անվերջանալի խցանումներ են եղել մայրաքաղաքում, որի քաղաքապետը սիրում է դժգոհել տնտեսվարողների ու համատիրությունների ձնամաքրման աշխատանքներից: Առավոտյան Արարատում շղթայական ավտովթար է եղել, Թեղուտում շտապօգնության մեքենա է շրջվել: Մի քաղաքացի «Հայլուր»-ի թղթակցին պատմել է, որ բազմաթիվ մարդիկ են տեղափոխվում հիվանդանոց սայթաքելուց ստացած կոտրվածքներով:

Քաղաքական գիտությունների դոկտոր, պրոֆեսոր, էներգետիկ անվտանգության փորձագետ Վահե Դավթյանը գրում է. «Հայաստանն այլևս դասագրքային իմաստով լիմիտրոֆ պետություն է։

Հունվարի 11-ին, վիճաբանություն և դանակահարություն է տեղի ունեցել Երևանում։ Ժամը 05։20-ի սահմաններում օպերատիվ տեղեկություններ են ստացվել, որ անհայտ հանգամանքներում և վայրում «Ձախ ստորին վերջույթի բազմաթիվ կտրած-ծակած վերքեր, աջ ազդրի կտրած-ծակած վերք» ախտորոշումներով «Արմենիա» բժշկական կենտրոն բուժօգնության է դիմել մի օտարեկրացի, հայտնում է Shamshyan.com-ը։

Բանակի օրվա նախօրեն՝ հունվարի 27-ը՝ Հայրենիքի պաշտպանության համար զոհվածների հիշատակի օր սահմանելու նախագծի քննարկումը բանավեճի է վերածվել պետաիրավական հանձնաժողովի նիստի ժամանակ: Ազգային ժողովի ՔՊ-ական փոխնախագահ Ռուբեն Ռուբինյանն ապշել է «Հայաստան» խմբակցության քարտուղարի հարցից՝ հայրենիքի պաշտպանության համար զոհված ՔՊ-ականներ կա՞ն: Ռուբինյանը նախընտրել է չլսելու տալ:

Հայլուր 20։30 Իրանը կոշտ է խոսում Հայաստանի հետ և վտանգների մասին զգուշացնում

Ընտրություններից առաջ ճոխ պարգևավճարներ՝ տապալված բոլոր սոցիալական խոստումների ֆոնին: Հայաստանի խորհրդարանական ընդդիմությունն է արձանագրում, որ պետբյուջեից հանված 3 մլրդ դրամով պաշտոնյաներին պարգևատրելու փոխարեն՝ իշխանությունը շատ ավելի կշահեր, եթե թոշակները, նվազագույն աշխատավարձը խոստացածի չափ բարձրացներ: Կառավարությունը չի հերքել պարգևավճարների մասին «Իշխանություն» լրատվամիջոցի գաղտնազերծած տեղեկությունը: Բայց գործադիրը հերքել է, թե այդ փաստաթուղթը հույժ գաղտնի շրիֆտ ունի: «Գաղտնի կետը վերաբերում է ուժային կառույցներին»՝ ըստ գործադիրի:

Հունվարի 14-ին, ժամը 13։52-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մարգահովիտ գյուղում այրվում է տան տանիք։

Հունվարի 14-ի երեկոյան, 14-ի լույս 15-ի գիշերը և առավոտյան ժամերին հանրապետության բոլոր ավտոճանապարհներին սպասվում է մերկասառույց։

TRIPP-ի կառուցումը սկսելու փաստաթղթային հիմքն է ստեղծվել Վաշինգտոնում: Հայաստանի արտգործնախարարն ու ԱՄՆ պետքարտուղարն ստորագրել են «TRIPP զարգացման ընկերության» ստեղծման մասին հռչակագիրը, որում ըստ Հայաստանի գլխավոր դիվանագետի, բոլոր հարցերի պատասխանները կան, ըստ շատ վերլուծաբանների ու ընդդիմադիր քաղաքական գործիչների՝ չկան: Չնայած ԱՄՆ պետքարտուղար Մարկո Ռուբիոն մեկ րոպեանոց հայտարարության մեջ մի քանի անգամ շեշտում է Հայաստանի ինքնիշխանության պահպանման կարևորությունը, կասկածներ կան, որ այնուամենայնիվ կատարվում է Ադրբեջանի պահանջը. Սյունիքով անցնելիս ադրբեջանցիները հայ սահմանապահների չեն հանդիպի: Այդ հարցին Միրզոյանն ուղիղ չի պատասխանել, բայց բացատրել է, որ մասնավոր ընկերություն է հավաքելու այդ ճանապարհով անցնող մեքենաների ու մարդկանց տվյալները ու փոխանցելու է հայկական կողմին:

Ծափաթաղում 3-ամյա Տիգրանի սպանության գործով երեխայի հայրը՝ Արմեն Օվանեսովը, շարունակում է մնալ կալանավորված։ Քրեական վարույթը, ինչպես արդեն տեղեկացրել ենք, գտնվում է Գեղարքունիքի մարզի ընդհանուր իրավասության դատարանի դատավոր Արտավազդ Կարապետյանի վարույթում։ Այս մասին գրում է Փաստինֆոն։

Շրջակա միջավայրի նախարարությունը 2025թ․ մարտին ավարտեց 5,68 մլն եվրո արժողությամբ «Սևանա լճի շրջակա միջավայրի պահպանություն» (EU4Sevan) հնգամյա ծրագիրը։ Ծրագրի բաղադրիչներից մեկը Սևանա լիճ լցվող կեղտաջրերի մաքրման ծառայությունների բարելավումն էր, կեղտաջրերի մաքրումն ու կառավարումը։ Այս մասին գրում է Հետքը:

«Չեմ կարողանում շնչել, չեմ հավատում աչքերիս»,- «Հայլուրի» հետ զրույցում ասել է 5 տարի ամուսնուն չտեսած, ադրբեջանական գերությունից վերադարձած Վիգեն Էուլջեքչյանի կինը: Լիբանանում ապրող Լինդան մեր թղթակցին ասել է, որ փորձում է օդանավի տոմս գնել Հայաստան գալու համար: «Դեռ չգիտենք՝ որտեղ է լինելու մեր առաջին հանդիպումը գերությունից վերադարձած հայրիկի հետ»,- հուզված ասել է Վագիֆ Խաչատրյանի դուստրը՝ Ծովինարը: Այս պահին ընտանիքի անդամները հոր՝ Հայաստանում լինելու մասին գիտեն միայն Փաշինյանի ստուտուսից, դեռ որևէ մեկն իրենց հետ կապ չի հաստատել:

Ներկայացնում ենք տարադրամի փոխարժեքները՝ ըստ rate.am-ի:

Հայլուր 18։30 Գերիների վերադարձ, զոհ՝ բանակում, պարգևավճարի սկանդալ. ուրախության և ցավի արցունքներ

Դեռևս դեկտեմբերի 17-ի իմ հարցազրույցում ես կանխատեսել էի, որ սիրիացի մարդասպան վարձկաններին հետ են վերադարձնելու ու դիմացը շատ փոքրաթիվ գերիներ են ազատ արձակելու։ Այս մասին գրել է ադրբեջանագետ Տաթևիկ Հայրապետյանը:

Աստվածամուխ Սուրբ Գեղարդը անվտանգ, անխաթար ու անվնաս Մայր Աթոռում է, Քննչական կոմիտեից դուրս գալուց լրագրողների հետ զրույցում հայտարարեց Մայր Աթոռ Սուրբ Էջմիածնի Թանգարանների և արխիվի տնօրեն Տեր Ասողիկ աբեղա Կարապետյանը։

Նոր բան չկա, արդեն 7 և ավելի տարի է, որ Հայկ Ասողիկի հետ կապված գործի նույն շրջանակն է, հիմա հարցաքննություն էր՝ Գեղարդի վնասվածքին և մյուս պատմամշակութային արժեքների կորստին վերաբերող հերյուրանքները, որ արդեն բազմաթիվ անգամ լրատվամիջոցներով շրջանառվել են: Այս դեպքը նորից արթնացավ, որովհետև սկսվեց նոր արշավ՝ «Քաղաքացիական պայմանագիր» կուսակցության անդամների կողմից ինչ-որ գեներացված ու մոնտաժված տեսանյութեր էին շրջանառվում: Այս մասին լրագրողների հետ զրույցում հայտնեց Հայր Ասողիկի փաստաբան Մարինե Ֆարմանյանը:

Հունվարի 14-ի երեկոյան, 14-ի լույս 15-ի գիշերը և առավոտյան ժամերին հանրապետության ավտոճանապարհներին սպասվում է մերկասառույց։ Հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից։

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ հունվարի 13-ին Մայր Աթոռ Սուրբ Էջմիածնում տեղի ունեցավ Գերագույն հոգևոր խորհրդի ժողով։ Նիստը վարեց Վանական խորհրդի ատենապետ Տ. Նաթան արքեպիսկոպոս Հովհաննիսյանը։ Այս մասին հայտարարություն է տարածել Մայր Աթոռ Սուրբ Էջմիածինը։

Քիչ առաջ արդարադատության նախարարությունը հայտնեց, որ «2026 թվականի հունվարի 14-ին, Հայաստանի Հանրապետությունում ցմահ ազատազրկման դատապարտված Սիրիայի Արաբական Հանրապետության քաղաքացիներ Յուսեֆ Ալաաբեթ ալ-Հաջին և Մուհհռաբ Մուհամմադ ալ-Շխերին, Թուրքիայի Հանրապետության միջոցով փոխանցվել են Սիրիայի Արաբական Հանրապետության իրավասու մարմիններին՝ իրենց նկատմամբ կայացված դատավճիռների հետագա կատարումը իրենց քաղաքացիության պետությունում շարունակելու նպատակով: Փոխանցումն իրականացվել է համապատասխան իրավասու մարմինների միջև համագործակցության և կիրառվող իրավական մեխանիզմների ներքո»: