Լրահոս

Ըստ ՇՄՆ Հիդրոօդերևութաբանության և մոնիթորինգի կենտրոնի՝ մայիսի 4-ի երեկոյան և առաջիկա օրերին հանրապետության մի շարք գետերի ավազաններում (Արփա, Եղեգիս, Հրազդան, Մարմարիկ, Վեդի) սպասվում է ջրի մակարդակի էական բարձրացում՝ պայմանավորված ամպրոպային տեղումներով։ Հնարավոր են վտանգավոր ելքեր, ափամերձ տարածքների ողողումներ, հատկապես Արենի–Եղեգնաձոր–Վայք, Հրազդան, Հանքավան, Աղավնաձոր և Ուրցաձոր հատվածներում։ ՆԳ նախարարի հանձնարարությամբ կազմակերպվել են իրազեկման աշխատանքներ, նախարարության պատասխանատու ստորաբաժանումները կապ են հաստատել գործընկեր կառույցների հետ, իսկ փրկարարական ստորաբաժանումներն անցել են արտակարգ ռեժիմով ծառայության։

Չի՞ խախտում նախընտրական շրջանում բարեգործության արգելքը Թալինի ՔՊ-ական համայնքապետ Տավրոս Սափեյանը, որ բարեգործությունների աննախադեպ շարք է սկսել խորհրդարանական ընտրություններից առաջ: «Հայլուր»-ի թղթակից Լիլիթ Խալաթյանի այս հարցը Սափեյանը լսել է, բայց չի պատասխանել, հանգստյան օր է, խնդրել է վաղը զանգել: Վաղը Թալինում իրականացվող «բարի գործերի մասին» իրավապահ մարմիններին հաղորդում է ներկայացնելու «Ժողովրդավարություն» հասարակական կազմակերպությունը:

Մայիսի 4-ին, ժամը 12։59-ին Վայոց ձորի մարզային օպերատիվ կառավարման կենտրոն ահազանգ է ստացվել, որ Զառիթափ գյուղի «Ախտաներ» կոչվող տարածքում «UAZ» մակնիշի ավտոմեքենան արգելափակվել է գետում։

«Համազգային ամոթի և անպատվության հերթական նողկալի էջը, ցավոք, գրված է»,-գրում է իրանագետ Վարդան Ոսկանյանը՝ շարունակելով.

Եվոպական քաղաքական համայնքի 8-րդ գագաթնաժողովը ուղեկցվել է բողոքի բազմաթիվ ակցիաներով: «Այո՛ ժողովրդավարությանը, ո՛չ երեսպաշտությանը» կարգախոսով են «Հայաստան» դաշինքի անդամներն ու համակիրները քայլերթով մարզահամերգային համալիր հասել: Ակցիայի մասնակիցները պահանջել են ջերմ ծափերով ու բարձրագոչ հայտարարություններով չխլացնել Բաքվի ու Երևանի բանտերում պահվող հայերի ճակատագրի վերաբերյալ աղաղակող հարցերը:

Չնայած Թեհրանն ու Վաշինգտոնը շարունակում են փոխանակվել պատերազմն ավարտելու առաջարկներով, Մերձավոր Արևելքում կրակը չի մարում: Թեհրանը սպառնում է ոչնչացնել ցանկացած նավ, որն առանց իրենց գիտության կմոտենա Հորմուզի նեղուցին:

19-ամյա երիտասարդը, ում մեքենա վարելու իրավունքը կասեցված է եղել, Երևանում «Mercedes CLS»-ով մտածված գերազանցել է ավտոմեքենայի արագությունն ու տեսանկարահանել է իր արարքը՝ ասելով, թե ինչ-որ մեքենայի կնվաստացնի, նա դարձել է խոշոր ավտովթարի մասնակից։

Վրաստանի վարչապետ Իրակլի Կոբախիձեն հանդիպել է Ուկրաինայի նախագահ Վլադիմիր Զելենսկուն Եվրոպական քաղաքական միության 8-րդ գագաթնաժողովի շրջանակներում, այս մասին հայտնում է Aliq.ge-ն։

Անվտանգության աննախադեպ միջոցառումներ, աղմկահարույց հայտարարություններ, կարմիր գորգ, ծափահարություններ: Եվրոպական քաղաքական համայնքի 8-րդ գագաթնաժողովը՝ եվրոպական երկրներից մոտ 50 պատվիրակությունների մասնակցությամբ ավարտվեց: Գագաթնաժողովի արդյունքները ու ամենահիշարժան դրվագները կներկայացնի Ալբերտ Սերոբյանը:

Մայիսի 8-ին և 9-ին հայտարարվում է հրադադար՝ ի պատիվ Հայրենական մեծ պատերազմում խորհրդային ժողովրդի Հաղթանակի տոնակատարության: Այս մասին հայտնում է ՌԴ ՊՆ-ն։

Պաշտոնական այցով Երևանում գտնվող Ֆրանսիայի նախագահ Էմանուել Մակրոնը պարգևատրվել է Հայաստանի Հանրապետության Փառքի շքանշանով։

Հայաստանի վարչապետը Ֆրանսիայի նախագահից կրկնակի շատ է վարձատրվում՝ երկու երկրների քաղաքացիների թոշակների ու աշխատավաձերի չափերի համեմատ: Եվրոպացի առաջնորդների այցը Հայաստան թարմացրել է քննարկումը՝ փաշինյանական իշխանությունը որքանո՞վ է կատարել Եվրոպական սոցիալական խարտիայով ստանձնած պարտավորությունները: Այդ խարտիայով առաջ շարժվելու դեպքում Հայաստանում որքան հնարավոր է շուտ պետք է ձևավորվեր միջին խավ: Մինչդեռ, ըստ «Հայաստան» խմբակցության պատգամավոր Արմենուհի Կյուրեղյանի «Հայաստանում կայուն միջին խավը փոքր տոկոս է, աշխատող աղքատները շատ են, իսկ Նիկոլ Փաշինյանն ամսական 3 մլն դրամ է ստանում»:

Ֆրանսիայի նախագահ Էմանուել Մակրոնն այսօր Երեւանում՝ Եվրոպական քաղաքական համայնքի 8-րդ գագաթնաժողովում, հայտարարել է. «Եկեք ազնիվ լինենք, 8 տարի առաջ ոչ ոք այստեղ չէր գա, եւ այն փաստը, որ մենք այսքան շատ առաջին այցեր ունենք ձեր երկիր, իսկապես լավ ցուցանիշ է, որովհետեւ 8 տարի առաջ այս երկիրը սեղանի շուրջ նստած բազմաթիվ երկրների կողմից դիտարկվում էր որպես դե ֆակտո Ռուսաստանի արբանյակ»: Այս մասին գրել է Հետքը։

«Քաղաքական օկուպացիայի օրեր են Հայաստանում: Ընտրություններից մեկ ամիս առաջ եվրոպացիները եկել են աջակցելու Փաշինյանին»,- պնդում է խորհրդարանական ընդդիմությունը, Ալիև-Փաշինյան հայտարարությունները գնահատում՝ որպես պատմության աղճատում:

Հայաստանում ազատ խոսքի աննախադեպ ճնշման մասին են ահազանգում լրագրողները: Մեկ տարվա ընթացքում վիրավորանքի և զրպարտության մեղադրանքներով 37 հայցադիմում և ավելի քան 66 միլիոն դրամի փոխահատուցման պահանջ է դրվել լրատվամիջոցների դեմ, ահազանգում են Հայաստանի լրատվական դաշտի ներկայացուցիչները:

Caucasus Heritage Watch-ի (CHW) փաստագրումը արձանագրում է հերթական ծանրակշիռ ապացույցը այն քաղաքականության, որը նպատակաուղղված է հայկական պատմամշակութային ժառանգության հետևողական ոչնչացմանը։ Ստեփանակերտի հուշահամալիրի տարածքում գտնվող՝ Հայոց ցեղասպանության 100-ամյակին նվիրված հուշարձանի ամբողջական վերացումը չի կարող մեկնաբանվել որպես մեկուսացված դեպք․ այն ակնհայտորեն տեղավորվում է մշակութային ժառանգության համակարգված վերացման և պատմական հիշողության ջնջման լայն գործընթացում։

Հայլուր 20։30 Չարագուշակ կանխատեսումներ՝ եվրոպական լայն ժպիտների շուրջ. մի անգամ՝ Երևանում

Վեդին ցնցած մանկապղծության մասնմաասները «Հայլուր»-ին պատմել են վեդեցիները: Ամիսներ առաջ դպրոցահասակ քույրերին բռնաբարած տղամարդիկ մինչև հիմա ազատության մեջ են:

Ինչպես արդեն տեղեկացրել ենք, Բագրատ արքեպիսկոպոս Գալստանյանը, ով քաղաքական հետապնդման պատճառով գտնվում է  կալանավայրում,  ծավալուն աշխատություն է պատրաստում խաղաղության, պատերազմի և նահատակության մասին:

Երևանյան հավաքում հնչած ամենաաղմկոտ հայտարարությունից մեկի հեղինակը դարձել է Ֆրանսիայի նախագահ Էմանուել Մակրոնը: Նա համոզմունք է հայտնել, թե 8 տարի առաջ եվրոպական բազմաթիվ երկրների առաջնորդներ Երևան չէին գալիս, որովհետև Հայաստանը համարում էին «Ռուսաստանի դե ֆակտո արբանյակ», սակայն Նիկոլ Փաշինյանը որոշեց ապառիսկայնացնել երկիրը և շահեց դրա արդյունքում: Բազմաթիվ քաղաքագետներ փաստերով են հակադարձել Ֆրանսիայի նախագահին, որի այս մտքերը նրանք համարում են փորձ աջակցելու գահավիժող վարկանիշով Փաշինյանին, նաև կարևորելու տարածաշրջանում սեփական դերակատարությունը: