Լրահոս

ՀՀ ԱԳ նախարարության մամուլի խոսնակ Անի Բադալյանը պատասխանել է Իսրայելի հարվածների հետևանքով Իրանի հայերի շրջանում զոհերի և վիրավորների մասին «Արմենպրես»-ի հարցին՝ նշելով. «Թեհրանում ՀՀ դեսպանությունը կապի մեջ է Իրանի իշխանությունների հետ, տեղեկություններ լինելու պարագայում կհայտնենք»:

Իրանի կողմից արձակված մի քանի հրթիռներ հարվածել են Իսրայելի ազգային անվտանգության նախարարության շենքին։

Իրանի զինված ուժերը կպատասխանեն Իսրայելի հարվածներին և կստիպեն Թել Ավիվին զղջալ իր արածի համար։

Թել Ավիվում և Թեհրանում դեսպանատները բարձրացրել են անվտանգության մակարդակը, իսկ միջազգային ավիաընկերությունները չեղարկել չվերթները։ Հարկադիր տասնյակ վայրէջքներ են եղել Բաքվի և Երևանի օդանավակայաններում:

Իսրայելի բանակը՝ ՑԱԽԱԼ-ը, հայտարարել է, որ գործի են դրել ՀՕՊ համակարգերը՝ վտանգը չեզոքացնելու համար։ Բնակչությանը հորդորել են ապաստարաններ մտնել ու չլքել դրանք՝ մինչև հետագա ծանուցումը։

Հաթամին Իրանի պաշտպանության նախարարությունը ղեկավարել է 2017-2021 թվականներին։

Իսրայելը գիտակցում է, որ Իրանի պատասխան հարվածը կարող է շատ հզոր լինել և պատրաստվում է նվազագույնի հասցնել հետևանքները, հայտարարել է Իրանի դեմ ագրեսիա ձեռնարկած Իսրայելի վարչապետ Բենիամին Նեթանյահուն։

Ըստ թյուրքագետ Վարուժան Գեղամյանի՝ եթե Իրան-Իսրայել ռազմական գործողությունը վերաճի լիարժեք պատերազմի, ապա Իրանին ճնշելու մյուս ամենահավանական կետը լինելու է Սյունիքը: Իրանի դեմ ռազմարշավում Իսրայելը կարող է ներգրավել իր դաշնակից Ադրբեջանին, որը վերջին ամիսներին, Գեղամյանի ձևակերպմամբ, «բառացիորեն լցոնվել է իսրայելական զենքով»։

ՌԴ նախագահ Վլադիմիր Պուտինը Իսրայելի կողմից Իրանի նկատմամբ ագրեսիայի կապակցությամբ հեռախոսազրույց է անցկացրել ինչպես Իսրայելի վարչապետ Բենիամին Նեթանյահուի, այնպես էլ Իրանի նախագահ Մասուդ Փեզեշքիանի հետ։

Իրանա-իսրայելական հակամարտության նոր փուլը կարող է վերաճել լայնածավալ պատերազմի։ Թեհրանից ահազանգում են՝ դա կարող է պայթեցնել ամբողջ տարածաշրջանը: Ըստ թեհրանաբնակ վերլուծաբան Արամ Շահնազարյանի՝ Իսրայելը գործի է դրել «լիբանանյան սցենարը»՝ փորձելով գլխատել Իրանի ռազմաքաղաքական ղեկավարությանը։

«Փողով բանակից ազատվելու» օրինագիծը մերժվեց ԱԺ հանձնաժողովում: Իշխանական պատգամավոր Հայկ Սարգսյանի աղմկհարույց օրինագիծը, որով առաջարկվում է գումարի դիմաց բանակում ավելի քիչ ժամկետով ծառայել, ԱԺ Պաշտպանության հանձնաժողովում շուրջ 4 ժամ քննարկումից հետո դրական եզրակացություն չստացավ:

Շարունակում է քննարկումների առանցքում մնալ Հայաստանի վարչապետի՝ հունիսի 20-ին Անկարա նախատեսվող այցը: Անվտանգության խորհրդի քարտուղար Արմեն Գրիգորյանը հաստատում է հանդիպման հնարավորությունը, սակայն հանդիպման նպատակները դեռևս գաղտնի են։

Հունիսի 10-ին, ավտովթար է տեղի ունեցել Երևանում։ Ժամը 21։45-ի սահմաններում Գայի պողոտայում բախվել են Կոտայքի մարզի բնակիչ 47-ամյա Օնիկ Մ․-ի վարած «JIN BEY» մակնիշի, Երևանի բնակիչներ 28-ամյա Արամ Ս․-ի վարած «Hyundai» մակնիշի, 52-ամյա Արամ Գ․-ի վարած «Hyundai» մակնիշի, 59-ամյա Մեսրոպ Ա․-ի վարած «Opel» մակնիշի և 40-ամյա Էրիկ Ս․-ի վարած «Hyundai» մակնիշի ավտոմեքենաները։

Իրանի վրա Իսրայելի հարձակման հետևանքով Թեհրանի հայ համայնքում որևէ դեպք չի գրանցվել, հայ համայնքից տուժածներ չկան, «Սպուտնիկ Արմենիա»-ին ասել է Թեհրանում լույս տեսնող «Արաքս» պարբերականի գլխավոր խմբագիր Մովսես Քեշիշյանը։

Հայլուր 20։30 Սյունիքի վրա ադրբեջանական հարձակման ռիսկը մեծացնո՞ւմ է Իրան-Իսրայել նոր բախումը

Իրան-Իսրայել երկարամյա դիմակայությունը, կարծես, հասնում է անդառնալիության կետի: Գիշերվանից իսրայելական զինուժը ռմբակոծում է Իրանի ռազմական և միջուկային օբյեկտները: Իրանում վերջին 5 տարիների ընթացքում 4-րդ անգամ բարձրացվել է վրիժառության կարմիր դրոշը: Իսրայելը նախատեսում է Իրանի միջուկային օբյեկտների դեմ գործողությունը շարունակել երկու շաբաթ:

Երևանն այս պահին չունի տեղեկություն, որ Ադրբեջանը կարող է օգտվել Իրանի շուրջ ստեղծված իրավիճակից և հարձակվել Հայաստանի վրա, «Ազատության» հարցին ի պատասխան ասաց Անվտանգության խորհրդի քարտուղար Արմեն Գրիգորյանը:

Հունիսի 13-ին՝ ժամը 13:25-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևան-Երևան ավտոճանապարհին՝ գազալցակայանում, տեղի է ունեցել պայթյուն․ անհրաժեշտ է փրկարարների օգնությունը։

Հունիսի 11-ին ողբերգական դեպք է տեղի ունեցել Արարատի մարզում։ Ժամը 09։50-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Վեդիի բաժնում տեղեկություն է ստացվել, որ գյուղերից մեկում 3 տարեկան երեխա է հանկարծամահ եղել։

ՄԱԿ-ը, Եվրամիությունը, ԱՄՆ-ն, Ռուսաստանն ու տարածաշրջանային այլ դերակատարներ կոչ են անում Իսրայելին ու Իրանին զսպվածություն ցուցաբերել և կանգ առնել «մեծ պատերազմի շեմին»։ Իրանի վրա միակողմանի հարձակումը խորապես մտահոգիչ է որակել Հայաստանի արտգործնախարարությունը, դատապարտել ռազմական գործողությունները, կոչ արել անհապաղ դադարեցնել դրանք և պահպանել միջազգային իրավունքը: