Լրահոս

«Հրապարակ» թերթը գրում է. «Ինչու կալանավորվեց Շենգավիթի նախկին թաղապետ Ռազմիկ Մկրտչյանը։ Նախօրեին անսպասելիորեն ձերբակալված, ապա կալանավորված Մկրտչյանը մի խումբ անձանց հետ ծեծել է իր նախկին աշխատակից, Շենգավիթի ՔՊ տարածքային կառույցի ղեկավար Տիգրան Մակարյանին, որն աշխատել է թաղապետարանի քաղաքաշինության բաժնում, սակայն Մկրտչյանի հետ լեզու չգտնելու պատճառով` ամիսներ առաջ ազատվել է աշխատանքից։

«Փաստ» թերթը գրում է. «Բոլոր հնարավոր վատագույն սցենարներին պատրաստ լինելը ցանկացած պետության առաջնահերթ խնդիրներից է։ Ներկա ժամանակաշրջանը առավել հստակ է դա ապացուցում: Ու առաջին հերթին դա վերաբերում է արտակարգ իրավիճակներին։ Ընդ որում, խոսքը ոչ միայն հակամարտությունների կամ պատերազմների վտանգների մասին է, այլև եղանակային անոմալիաների ու տարերային աղետների, որոնք կլիմայի փոփոխության և գլոբալ տաքացման համատեքստում ավելի հաճախակի են դարձել։ Սակայն չափազանց մտահոգիչ է, որ Հայաստանը շատ դանդաղ կամ ընդհանրապես չի արձագանքում նման սպառնալիքներին։ Չկան նախապատրաստական աշխատանքներ։ Ինչ ծավալի փորձանք էլ գալիս է, գրեթե միշտ անպատրաստ ենք դուրս գալիս։

Ժողովուրդ» օրաթերթը գրում է. «Հայկական ֆուտբոլի աղետալի վիճակի մասին խոսելը թերեւս անիմաստ է, ու ասելիք եւ անելիք, թվում է, թե չկա, բացի ՀՖՖ այս թիմի հեռացումից՝ ի դեմս Արմեն Մելիքբեկյանի ու ֆեդերացիայի իրական ղեկավար Արմեն Նիկողոսյանի։

«Փաստ» օրաթերթը գրում է. «Դեռևս ապրիլի վերջին, երբ ՍԱՏՄ ղեկավար Արմեն Դանիելյանն ազատվեց պաշտոնից, ապա և «ծառայողական լիազորություններն օգտագործելով առանձնապես խոշոր չափերի գույք հափշտակելու» մեղադրանքով ձերբակալվեց ու կալանավորվեց, իշխանական կուլիսներում խոսակցություններ էին պտտվում, որ այդ պաշտոնին կարող է նշանակվել ՍԱՏՄ ղեկավարի տեղակալ Տիգրան Պետրոսյանը, չնայած որ նա որևէ կապ չունի ոլորտի հետ:

Հրապարակ» թերթը գրում է. «Թեպետ 4 օր է՝ Նիկոլ Փաշինյանը գրառում չի արել Վեհափառի եւ եկեղեցու մասին, առավոտյան սաղմոսներ էլ չի տեղադրում էջում, սակայն եկեղեցու դեմ արշավը չի կարելի վերջացած համարել։

«Ժողովուրդ» օրաթերթը գրում է. «ՀՀ վերաքննիչ դատարանը դատավոր Մխիթար Պապոյանի նախագահությամբ գնացել է ՊԲ նախկին հրամանատար Ջալալ Հարությունյանի դեմ հարուցված քրեական գործով որոշում կայացնելու։ ՀՀ վերաքննիչ դատարանը կա՛մ կբավարարի մեղադրվող Ջալալ Հարությունյանի պահանջը եւ նրան կարդարացնի, կա՛մ գործը կուղարկի առաջին ատյանի դատարան՝ նոր քննության, եւ չի բացառվում, որ առաջին ատյանի դատարանի որոշումը թողնի անփոփոխ։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 17-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Օրվա մամուլի հրապարակումները ժամը 11-ին, «5-րդ ալիք»-ի ուղիղ եթերում «Օրագիր» հաղորդման հեղինակ Մարիաննա Ղահրամանյանը  կքննարկի  անվտանգության և էներգետիկ հարցերով փորձագետ Արմեն Մանվելյանի հետ:

Երկրի գործադիր իշխանության ղեկավարը՝ իրեն հարող անձանց հետ, հերթական անգամ թիրախ է դարձրել Հայաստանյայց Առաքելական Սուրբ Եկեղեցին՝ հընթացս Ամենայն Հայոց Կաթողիկոսի և բարձրաստիճան եկեղեցականների նկատմամբ հրապարակայնորեն հնչեցնելով սպառնալիքներ, արժանապատվությունը վիրավորող ու մարդու իրավունքները ոտնահարող արտահայտություններ՝ միաժամանակ կոպտորեն խախտելով հանրային էթիկայի նորմերը:

ՀՀ-ում Իրանի Իսլամական Հանրապետության դեսպան Մեհդի Սոբհանին հունիսի 17-ին (երեքշաբթի օրը) ժամը 16:00-ին, մամուլի ասուլիս է ունենալու:

Հայաստանի վարչապետ Նիկոլ Փաշինյանի և Հայ Առաքելական եկեղեցու հարաբերություններում լարվածությունն ավելի է սրվում։ Իշխանականների հակաեկեղեցական հայտարարություններին Մայր Աթոռը պատասխանել է հստակ՝ դատի չեն տալու, սակայն ակնկալում են իրավական գնահատական։ Միաժամանակ, մտահոգություններ են հնչում՝ վարչապետը պատրաստվում է եկեղեցու դեմ համակարգված գործողությունների։

Իրան-Իսրայել բախման ֆոնին՝ տարածաշրջանում ևս մի պայթյունի վտանգի մասին են ահազանգում փորձագետները: Ադրբեջանը՝ Թուրքիայի և Իսրայելի ռազմավարական դաշնակիցը, կարող է ակտիվանալ Հայաստանի ուղղությամբ։ Իսկ ի՞նչ է անում Հայաստանը հավանական նման սցենարի դեպքում: Ըստ ընդդիմության՝ մեր շուրջը ծավալվող իրադարձություններին համարժեք չի արձագանքում իշխանությունը, ավելին՝ բարեկամություն է փնտրում թշնամիների հետ ու ռեպրեսիաներ կաազմակերպում ընդդիմախոսների նկատմամբ:

Հայ Առաքելական Սուրբ Եկեղեցու Արցախի թեմը իր զորակցությունն է հայտնում Մայր Աթոռ Սուրբ Էջմիածնին և Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին, ով կանգնած է Արցախի բնակչության համահավաք իրավունքների պաշտպանության դիրքերում։

Իրանի և Իսրայելի հակամարտության խորացման ֆոնին` Ադրբեջանը կարող է դառնալ Իսրայելի ռեսուրսային բազան։ Ըստ քաղաքագետների՝ Իսրայելը դիտարկում է Իրանի հյուսիսում ապրող ադրբեջանցիներին որպես ներքին խմորումներ հրահրելու գործիք՝ Թեհրանի քաղաքական կայունությունը խաթարելու համար։ Այդ սցենարում Բաքվի աջակցությունը Թել Ավիվի համար կարող է լինել որոշիչ, հետևաբար Իսրայելին ձեռնտու չի լինի, եթե Ադրբեջանը պատերազմ սկսի Հայաստանի դեմ: Իսկ Ադրբեջանի պահանջները, ըստ էության, չեն փոխվել Հայաստանի նկատմամբ: Փոխվել է միայն բառապաշարը:

Հայ Դատի կենտրոնական խորհուրդն իր խոր մտահոգությունն է հայտնում, տարածաշրջանային էսկալացիայի պայմաններում, Ադրբեջանի կողմից Հայաստանի Հանրապետության Սյունիքի մարզի նկատմամբ ահագնացող սպառնալիքների առնչությամբ։ Այս մասին նշվում է կառույցի տարածած հայտարարության մեջ: 

Ն.Ս.Օ.Տ.Տ. Արամ Ա. Կաթողիկոսի նախագահությամբ Անթիլիասի Մայրավանքում կայացել են Մեծի Տանն Կիլիկիո Կաթողիկոսության Ազգային Կենտրոնական վարչության կրոնական ու քաղաքական ժողովների լիակատար նիստը։

«Փաստինֆո»-ի տեղեկություններով՝ ՀՀ ոստիկանապետ Արամ Հովհաննիսյանի՝ պաշտոնից ազատման իրական պատճառների թելերը տանում են դեպի կոռուպցիոն գործընթացներ, այն էլ՝ օրենքով գողին հովանավորչության։ Մասնավորապես,  այս իշխանությունների հետ բավականին լավ հարաբերություններ ունեցող օրենքով գողերից մեկը՝ «Զապը»՝ Անդրանիկ Սողոյանը, ցանկացել է ինչ-որ խնջույքի համար մաքսանենգ ճանապարհով ՀՀ ներմուծել շուրջ 50 կգ խավիար եւ օգնության համար դիմել է ՀՀ ոստիկանապետ Արամ Հովհաննիսյանին։ Վերջինս նախ փորձել է  «Զվարթնոց» օդանավակայանում ոստիկանության տարածքային ստորաբաժանման միջոցով կարգավորել հարցը, ինչը չի հաջողվել ու դիմել է  ՊԵԿ մաքսանենգության ծառայության ղեկավար Երջանիկ Հակոբյանին, որ Սողոյանի բեռն անխոչընդոտ անցնի ՀՀ։

Աղվան Վարդանյանին՝ 2018-ին անգամ, մի ամբողջ ժողովուրդ ու կուսակցություններ չկարողացան իր համազմունքներին հակառակ բան ապացուցել. Ինչպես գիտենք՝ Աղվան Վարդանյանը չսխալվեց:

Իրանում և Իսրայելում ռազմական գործողությունների թիրախում են հայտնվել նաև հայ համայնքները։ Թեհրանում «Ալիք» հայկական օրաթերթի խմբագրության հարևանությամբ հրթիռակոծությունից հետո ջարդուփշուր են եղել շենքի պատուհանները: Իսրայելում հայերն ապաստարան են իջնում առաջին անհրաժեշտության իրերով: Մեր հայրենակիցներն ասում են՝ խուճապ չկա, բայց երկու երկրներում էլ վտանգն իրական է:

Մերձավոր Արևելքը վերածվել է շախմատային տախտակի, որտեղ յուրաքանչյուր քայլ կարող է փոխել ոչ միայն նավթի գինը, այլ նաև գերտերությունների ուժային դասավորությունը։ Ռուսաստանն ու Թուրքիան խաղաղ բանակացությունների միջնորդություն են առաջարկել, Չինաստանը դիվանագիտական լուծման կոչ է արել: Իրանցի վերլուծաբանների կարծիքով՝ Թեհրանը մինչև վերջ կգնա: