Լրահոս

Ես չեմ իջնի նրանց մակարդակի, «շպրտվի» բառին համահունչ չեմ պատասխանի, բայց նրանց մեկ առ մեկ կարող եմ պատասխանել։ Եթե ՀՀ վարաչապետը 6 անգամ քաղաքապետ ընտրված, 2 անգամ ԱԺ պատգամավոր ընտրված մարդուն ասում է՝ «պետք է դուրս շպրտվի», ուղղակի հայ ժողովրդին ուզում եմ ասել՝ տեսե՛ք, թե մենք ում ենք ընտրել ՀՀ վարչապետ»։ Այս մասին լրագրողների հետ զրույցում ասաց Գյումրու քաղաքապետ Վարդան Ղուկասյանը՝ արձագանքելով վարչապետ Նիկոլ Փաշինյանի հայտարարություններին։

Փաշինյանը խորհրդարանական այսօրվա հարց-պատասխանին կրկին ամբիոնից թափահարել է Ալիևի հետ Վաշիգտոնում ստորագրած փաստաթղթի պատճենը ու ընդդիմադիրների բառերով` ջղաձգվել, երբ նրան հարցրել են, այսպես կոչված, «Զանգեզուրի միջանցքի» մասին:

5 ու կես տարով կբանտարկվի Պաշտպանության բանակի նախկին հրամանատար Ջալալ Հարությունյանը: Գեներալին մեղադրում են զինվորական անփութության համար: Ըստ մեղադրանքի՝ այդ անփութության պատճառով են 44-օրյային զոհվել Ցորի գնդի 20 զինծառայողներ: Այս մեղադրանքը չընդունող Հարությունյանը Վճռաբեկ բողոք էր ներկայացրել, որը վարույթ չի ընդունվել:

ԱԺ պատգամավոր Թագուհի Թովմասյանը հայցադիմում է ներկայացրել ՔՊ-ական պատգամավոր Արթուր Հովհաննիսյանի դեմ։ «Դատալեքս» համակարգից «Փաստինֆո»-ն տեղեկացել է, որ հայցադիմումը Երևանի ընդհանուր իրավասության քաղաքացիական դատարան մուտքագրվել է երեկ և մակագրվել դատավոր Աննա Շիլաջյանին։

ՔՊ-ականներն առաջարկում են՝ բուժքրոջը դարձնել առողջապահության խորհրդարանական հանձնաժողովի նախագահ: Ընդդիմությունը այս թեկնածությունից շոկի մեջ է, մինչդեռ ՔՊ-ական թեկնածու Հռիփսիմե Հունանյանը արտառոց ոչինչ չի տեսնում և համոզված է, որ «կառավարման հմտություններ ունեցող մարդը բարձրագույն կրթության կարիք չունի»։

ԽԽՎ-ում ՀՀ ԱԺ պատվիրակության ընդդիմադիր անդամներ Արմեն Գևորգյանը, Արմեն Ռուստամյանը և Հայկ Մամիջանյանը հանդիպել են ԵԽԽՎ Հայաստանի հարցով համազեկուցողներ Բորիանա Աբերգի և Պիերո Ֆասսինոյի հետ։

Հաջորդ ամիս այս օրը Հայաստանի 700 հազար քաղաքացի պետք է իր եկամուտների հայտարագիրը ներկայացրած լինի ՊԵԿ-ին: Չնայած վերջնաժամկետը մոտենում է, դեռ ընդամենը 115 հազար մարդ է կատարել կառավարության պահանջը: Այսօր «Հայլուր»-ի հարցախույզի մասնակիցները պնդել են, որ չգիտեն, թե ինչ է հայտարարգրումը, ինչ պետք է լրացնել և ինչպես:

Նիկոլ Փաշինյանն աշխատանքային այցով մեկնել է Դանիա։

Հայլուր 20։30 Խռովք՝ «Զանգեզուրի միջանցքի» շուրջ, սպառնալիք՝ ընդդիմադիր քաղաքապետին. նա եկավ ու գնաց

Ինչո՞ւ է Փաշինյանը միջազգային գործըներներին փորձում համոզել, թե արցախահայերի վերադարձի իրավունքի պաշտպանությունը կվտանգի խաղաղության գործընթացը: Ընդդիմությունը համոզված է՝ այդ հայտարարությունը հայ-ադրբեջանական կուլիսային պայմանավորվածության վկայություն է:

Կալանքի տակ գտնվող ՀՔԾ նախկին քննիչ Հրաչյա Մուշեղյանը սոցցանցերին հասանելիություն ունի, ֆեյսբուքում «խախա»-ներ է շռայլում։ «Փաստինֆո»-ն  նկատել է, որ սեպտեմբերի 26-ին օգտատերերից մեկի կողմից ֆեյսբուքյան էջում հրապարակված գրառմանը Հրաչյա Մուշեղյանն արձագանքել է՝ գտնվելով «Վարդաշեն» ՔԿՀ-ում։  Անձնական տվյալների պաշտպանությունից ելնելով՝ լուսանկարում փակել ենք օգտատիրոջը  անհատականացնող տվյալները։

Հանրապետության նախագահ Վահագն Խաչատուրյանն Անկախության օրվա կապակցությամբ ընդունել է Հայաստանում Կիպրոսի դեսպան Մայքլ Մավրոսին։

Հոկտեմբերի 1-ին, ժամը 15։13-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արտաշատ քաղաքում այրվում է տուն:

Հայաստանում չի մարում քննարկումը Հայաստանի սոցիալական հարցերի նորաթուխ նախարար Արսեն Թորոսյանի՝ թուրք գործընկերոջ հետ հանդիպման մասին: Թուրքագետները «հակահայկականության կենդանի հուշարձան» են անվանում թուրք նախարար Օզդեմիրին:

Ամբիոնի մոտ ինձ ստիպել եք մոտենալ բացառապես դուք, ձեր հայտարարությունները: Գիտեք չէ՞ այդ հայտնի արտահայտությունը, որ ասում է՝ եթե ուզում ես քանդել պետությունը, կարևոր պաշտոնների կամ դերակատարությունների նշանակիր մարդկանց, ովքեր կապ չունեն դրա հետ և կոմպետենտ չեն։ Հիմա այն, ինչ տեղի է ունենում այսօր, լավագույնս ցույց է տալիս այս քաղաքականությունը։ Այս մասին ՀՀ ԱԺ նիստի ժամանակ ասաց է «Հայաստան» դաշինքի պատգամավոր Քրիստինե Վարդանյանը։

Ռուս-ուկրաինական պատերազմի հետևանքով կրիտիկական վիճակի է հասել Զապորոժիեի ատոմակայանի վիճակը: Ուկրաինայի նախագահի այս կարծիքին համաձայն չէ Ատոմային էներգիայի միջազգային գործակալության ղեկավար Ռաֆայել Գրոսսին: Նրա պնդմամբ՝ քանի դեռ դիզելային գեներատորները գործում են, վտանգ չկա: Պատերազմը շարունակում է կյանքեր խլել:

Թուրքիայի Վանի նահանգի Բաշքալե շրջանի և Իրանի Արևմտյան Ատրպատական նահանգի Սալմաստ քաղաքի միջև նախատեսվում է բացել 4-րդ սահմանային անցակետը։ Ermenihaber-ի փոխանցմամբ՝ նոր անցակետը կգործի Քուզարեշ–Գելինջիք տարածքում՝ Բազերգան, Ռազի և Սերվից հետո դառնալով երկու երկրների միջև հերթական սահմանային անցակետը։

Հայլուր 18։30 Սկանդալ. թաքցնում են 44-օրյա պատերազմի խորհրդարանական հետաքննության արդյունքը

ՀՀ հակակոռուպցիոն կոմիտեն հայտնում է․ «ՀՀ հակակոռուպցիոն կոմիտեում նախաձեռնված քրեական վարույթով իրականացված նախաքննությամբ հիմնավորվել է, որ ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի երկու պաշտոնատար անձինք նախնական համաձայնությամբ, դիտավորությամբ իրականությունը խեղաթյուրելով, կատարել են խոշոր չափերով՝ 4.501.550 ՀՀ դրամի հափշտակություն և պաշտոնեական կեղծիք:

Միացյալ Նահանգներում Կոնգրեսի ու նախագահի միջև այսօրվանից քաղաքական ճգնաժամ է սկսվել, որը հայտնի է շաթդաուն անունով: Կառավարության որոշ ոչ շատ կարևոր գործառույթներ դադարեցվել են, ինչն անդրադարձել է նաև Հայաստանում ԱՄՆ դեսպանատան աշխատանքի վրա: Հանրապետականները և դեմոկրատները չեն կարողացել ընդունել կառավարության ֆինանսավորման մասին երկու օրինագծերից որևէ մեկը: