Մոթել, աղբանոց, հետո՝ ավերակ. Ցեղասպանության հուշահամալիր տանող ճանապարհը ե՞րբ կմաքրվի

Սոսկալի վիճակ է երևանյան գետնանցումներում: Մարզահամերգայինի գունեղ միջոցառումները տեսնելու համար, մարդիկ ստիպված են մռայլ անցումը մտնել: Մարզահամերգայինի առաջիկա միջոցառմանը շտապողներին, գուցե, չանհանգստացնի գետնանցման տխուր պատկերը, բայց մեկ շաբաթից էլ քիչ է մնում Ծիծեռնակաբերդի բարձունք ծաղիկներ տանելու տասնամյակների ավանդույթին: Օտարերկյա պատվիրակություններից քանիսը կտեսնեն խայտառակ պատկերը, ահազանգում են Երևանում: Մայրաքաղաքի ավագանու ընդդիմադիր անդամներն էլ չեն բացառում դիտավոր անգործությունը: