Լրահոս
Քաղաքական
14:45
12.02.24
112

Մեկ օրում Ազգային հերոսների լուսանկարները դարձան փոխելո՞ւ

Img default alt hy

Yerevan.today-ը գրում է․

Օրեր առաջ համացանցում տեղեկություն հայտնվեց այն մասին, որ Հանրապետության տարբեր հատվածներում և տարբեր կառույցներում հեռացնում են «Փառքի անկյուն»-ները։

Հրապարակվեց, որ Արարատում արդեն իսկ քաղաքի կենտրոնում գտնվող պուրակից հեռացվել են ազգային հերոսների նկարները։ Սակայն համայնքապետարանից պարզաբանեցին, թե, իբր, վերանորոգման պատճառով են նկարները հեռացվել։

Այսօր՝ փետրվարի 12-ին, հրապարակումներ եղան, որ հրահանգ է իջեցվել զորանոցներից անհապաղ հեռացնելու Նժդեհի նկարները, Արցախի Հանրապետության քարտեզը և Հայկական պետականությունների մասին պատմող պաստառները։

ՊՆ-ն պարզաբանում տարածեց, թե՝ իրականացվում են տպագրական նյութերի թարմացման, վերանորոգման, թեմատիկ առումով համալրման մի շարք աշխատանքներ, իսկ «Փառքի անկյուն»-ներում՝ ոճային առումով արդիականացման աշխատանքներ։

Ուշագավ է, որ բոլոր հաստատություններում, պուրակներում վերանորոգման կարիքը առաջացավ հենց միաժամանակ։ Կարելի է եզրակացնել, որ մեկ օրում հանրապետության ամբողջ տարածքում ձեռքից գնացած «Փառքի անկյուն»-ները կարող են վերանորոգվել միայն հեռացվելուց հետո։ Ամեն դեպքում, ԿԳՄՍ նախարարության շրջաբերականում հանձնարարությունը՝ ամեն ինչ անել հնարավորինս անաղմուկ, կարելի է համարել ձախողված։