Լիբանանից Իսրայելի ուղղությամբ 90 հրթիռ է արձակվել

Լիբանանից Իսրայելի տարածք վերջին կես ժամվա ընթացքում արձակվել է շուրջ իննսուն հրթիռ։ Ինչպես հայտնում է «ՏԱՍՍ»-ը, այդ մասին վկայում են Իսրայելի բանակի մամուլի ծառայության հաղորդագրությունները։

«Հրթիռների մեծ մասը որսացվել է»,- ասվում է հաղորդագրության մեջ և ընդգծվում՝ մի քանի հատվածներում արկեր են ընկել։

Ավելի վաղ Իսրայելի բանակի մամուլի ծառայությունը կես ժամվա ընթացքում հինգ անգամ հաղորդել էր Իսրայելի հյուսիսի տարբեր շրջաններում ազդանշանների մասին: Օդային ռմբակոծության մասին ահազանգ էր հնչել Հայֆա, Ակրե և Նահարիա քաղաքներում։