Կյանքից հեռացել է ամերիկացի կոմպոզիտոր և պրոդյուսեր Քուինսի Ջոնսը

91 տարեկան հասակում մահացել է ամերիկացի երաժշտական պրոդյուսեր և կոմպոզիտոր Քուինսի Ջոնսը, հայտնում է ABC News-ը:

Նա մահացել է Լոս Անջելեսի Բել Էյր թաղամասում գտնվող իր տանը։ 

Քուինսի Ջոնսն իր շուրջ 75 տարվա կարիերայի ընթացքում աշխատել է այնպիսի երգիչների հետ, ինչպիսիք են Ֆրենկ Սինատրան, Մայքլ Ջեքսոնը՝ թողարկելով վերջինիս երեք ամենահաջող ալբոմները (Off the Wall, Thriller և Bad)։  

Քուինսի Ջոնսը, որ նաև ձայնագրող պրոդյուսեր էր, կոմպոզիտոր, գործիքավորող, կինոյի և հեռուստատեսության պրոդյուսեր, արժանացել է 28 Գրեմմի մրցանակի, իսկ 1992 թվականին՝ Գրեմմի լեգենդի մրցանակի։