Համբարձման տոնի առիթով Հայորդյաց տների սաները մշակութային միջոցառմամբ հանդես եկան Մայր Աթոռում

Մայիսի 14-ին՝ Համբարձման տոնի առիթով, Մայր Աթոռ Սուրբ Էջմիածնի և Հայկական Բարեգործական Ընդհանուր Միության հովանու ներքո գործող Հայորդյաց տների սաները Մայր Աթոռի շրջափակում հանդես եկան մշակութային գեղեցիկ միջոցառմամբ՝ տոնական օրն առավել ուրախ և հիշարժան դարձնելով ներկա ուխտավորների և այցելուների համար։

Возможно, это изображение текст "PUSL O OPEN"

Միջոցառման ավարտին Հայորդյաց տների սաներին ընդունեց և իր հայրական սերն ու օրհնությունը փոխանցեց Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը։

Վեհափառ Հայրապետն ուրախություն հայտնեց, որ Համբարձման տոնի առիթով Հայորդյաց տների սաներն այցելել են Մայր Աթոռ Սուրբ Էջմիածին՝ իրենց գեղեցիկ կատարումներով առավել պայծառացնելով տոնական օրը։ Նորին Սրբությունը գոհունակությամբ ընդգծեց, որ Հայորդյաց տներն իրենց նպաստն են բերում սաների շնորհների ու տաղանդների բացահայտման, նրանց հոգևոր-բարոյական և ազգային նկարագրի կերտման գործում։

Возможно, это изображение один или несколько человек и Базилика Непорочного зачатия Пресвятой Девы Марии

Ամենայն Հայոց Կաթողիկոսը կարևորեց նաև Հայաստանի տարբեր քաղաքներում Հայորդյաց տների գործունեությունը՝ հորդորելով մանկավարժներին և սաներին եկեղեցական ու ազգային տոների առիթով իրենց համայնքներում ևս պարբերաբար հանդես գալ հոգևոր-մշակութային միջոցառումներով՝ ի նպաստ քրիստոնեական արժեքների և ազգային ավանդույթների հանրահռչակման։

Վերջում Նորին Սրբությունն իր գնահատանքը հայտնեց Հայորդյաց տների հոգևոր տեսչին, տնօրեններին, մանկավարժներին և հոգևոր սպասավորություն իրականացնող քահանա հայրերին՝ նվիրյալ և նախանձախնդիր աշխատանքի համար։

Возможно, это изображение кларнет и текст