Ալիևն ու Միշելը COP 29-ի շրջանակներում քննարկել են հայ-ադրբեջանական գործընթացը

Ադրբեջանի նախագահ Իլհամ Ալիևը հանդիպել է Եվրոպական միության խորհրդի նախագահ Շառլ Միշելի հետ, ով Բաքու է ժամանել՝ մասնակցելու COP 29 համաժողովին։

Ինչպես հաղորդում է ԱՊԱ-ն, ի թիվս այլ հարցերի, կողմերը քննարկել են հայ-ադրբեջանական գործընթացը։

Պետության ղեկավարը նշել է, որ բարձր է գնահատում նախագահ Շառլ Միշելի դերը Հայաստանի և Ադրբեջանի միջև բանակցությունների գործընթացում և ընդգծել, որ հենց նրա միջնորդության ժամանակ է ձևավորվել Հայաստանի և Ադրբեջանի միջև բանակցային գործընթացի կառուցվածք, ինչպես նաև կարևոր ուղղությունների օրակարգը։